InfoHub Logo

Ánshi Qaırat Nurtastyń anasy, prodúser Gúlzıra Aıdarbekova áleýmettik jelidegi paraqshasynda ulynyń qarapaıymdylyǵy men adamgershilik qasıetteri týraly jazba jarıalady. Ol ulynyń Bıbigúl Tólegenovany synaǵandarǵa qalaı qoldaý kórsetkenin eske aldy.

Bul týraly Infohub.kz aqparat agenttigi habarlaıdy.

Ulynyń qarapaıymdylyǵy

Gúlzıra Aıdarbekova ulynyń áleýmettik jelidegi belsendiligi týraly aıta kelip, onyń ýaqytynyń azdyǵynan sırek jazbalar salatynyn atap ótti. Tyńdarmandar jibergen beınejazbalardy óziniń paraqshasynda bólisetinin aıtty.

«Balam, nege Instagramda kúndelikti konsertterińdi, toılaryńdy salmaısyń, halyqtyń mahabbaty sheksiz ǵoı», – dep suraımyn keıde. Ózi júrgizetin paraqshasyna ýaqyty jetpeıtin shyǵar, óte sırek jazbalar jarıalaıdy. Tyńdarmandar jibergen beınelerdi kórip, men bolsa da solardy jarıalaýǵa sheshtim. Kóz tımesin, baqytyna qýanamyn, júz jasasyn!» – dep jazdy ol.

Adamgershilik pen syılastyq

Aıdarbekova ulynyń adamgershiligi men kishipeıildiligine erekshe toqtaldy. Onyń aıtýynsha, ulyna degen ókpe-nazy barlardyń ózi ony moıyndaı bastaǵan.

«Ókpe-nazy barlardyń ózi moıyndaı bastady – bári onyń qarapaıymdylyǵy men júreginiń tazalyǵynda. Ony synap jatqan adamdardy bile tura, olardyń nıetin kórse de, eshqashan minez kórsetpegen. Kerisinshe, syılastyq tanytyp, jaqsy sózdermen baýrap alady eken, men ózim de tańǵalamyn», – dedi ol.

Bıbigúl Tólegenovaǵa kórsetken qoldaý

Eń tań qaldyrǵany – Bıbigúl Tólegenovanyń ulyn kópshilik aldynda qorlap, suhbat bergenine qaramastan, Qaırat Nurtas óziniń jeke konsertinde «Ana» ánin oryndaǵanda, ekranǵa Bıbigúl apanyń beınesin shyǵaryp, ony qazaq halqynyń qurmetti analarynyń qatarynda kórsetken.

«Bul jaǵdaı búkil komandany tań qaldyrdy. Oǵan: «Ol sizdi halyq aldynda qorlady ǵoı, keleke etti» degende, ol: «Qoıyńyzdarshy, bul kárilik, aıta bersin. Ol halyqtyń anasy ǵoı», – dep jaýap bergen. Bul – naǵyz adamgershiliktiń belgisi», – dep jazdy Gúlzıra Aıdarbekova.