InfoHub Logo

Qazaqstandyq bloger ári kópshilikke tanymal arý Darıa Qýatjan shetelge demalýǵa baryp, kútpegen jaǵdaıǵa tap bolǵanyn áleýmettik jelidegi paraqshasynda bólisti.

Bul týraly Infohub.kz aqparat agenttigi habarlaıdy.

Onyń aıtýynsha, dál qazir ol Katarda júr. Alaıda demalys sapary shıelenisken jaǵdaımen tuspa-tus kelgen.

Darıa jazbasynda qazirgi ahýaldyń belgisiz ekenin aıtyp, gúrsildegen dybystar jıilep ketkenin jetkizgen.

«Katardaǵy qazirgi jaǵdaı: gúrsildegen, dúrsildegen daýystar jıi. Jáı jelden shyǵar dep qoıyp otyrmyz qyzdarmen. Biz óte tynysh qala shetindegi raıondamyz, qaladaǵy jaǵdaı ázirge belgisiz», – dep jazdy ol.

Sondaı-aq bloger bul saparǵa uzaq ýaqyt jumys istep, áreń shyqqanyn aıtyp, jaǵdaıdyń dál osylaı órbıtinin kútpegenin jasyrmady.

«Bir jyl boıy toqtamaı jumys jasap, qaıda ketsem de kettim dep, Katarǵa saıahattap ketip edim, qaıdan bileıin soǵys jaǵdaıyn… Ne bolsa da Alla qalaýy, aman bolaıyq», – dedi Darıa Qýatjan.

Buǵan deıin ol: «Má, dostar, dál qazir men de Katardamyn. Bir shet elge shyǵa qoıaıyn desem, soǵys bastalyp ketti», – dep jazba jarıalaǵan bolatyn.

Jeli qoldanýshylary blogerge qoldaý bildirip, amandyq tilep jatyr.