InfoHub Logo

8 - synyp. Qazaqstan tarıhy
Sabaqtyń taqyryby: § 43. Ybyraı Altynsarın - qazaq halqynyń asa kórnekti aǵartýshysy
Sabaqtyń maqsaty:
• «Qazaq ádebıeti» páninen alǵan bilimderin negizge ala otyryp, oqýshylardy Y. Altynsarınniń ómir joly jáne qyzmetimen tanystyrý. Aǵartýshynyń búkil ǵumyryn týǵan halqynyń bilim kókjıegin keńeıtýge arnalǵan ıgilikti isine taldaý jasaý, onyń pedagog, jazýshy, qoǵam qaıratkeri, ǵalym - etnograf retindegi shyǵarmasyn jan - jaqty zerdeleý;
• Oqýshylardyń ádebı shyǵarmalarymen jumys isteý daǵdysyn qalyptastyrý, avtordyń aıtpaqshy oıyn túsine bilýge, qoıylǵan suraqqa naqty, júıeli túrde jaýap qaıtara alýǵa jáne tarıhı oqıǵanyń mazmuny men sıpatyn tereń uǵynýǵa úıretý;
• Oqýshylardy eńbeksúıgishtikke, óz betinshe oı qorytyp, ony jetkize bilýge daǵdylandyrý.
Sabaqtyń túri: aralas
Sabaqtyń ádisi: ınteraktıvti
Kórnekilik: karta, syzba

Sabaqtyń barysy:
1. Uıymdastyrý kezeńi
2. Oqý quralyn tekserip túgeldeý
3. «Habar» /el jańalyqtarynan.../
4. Oqýshy zeıinin sabaqqa aýdarý

Úı tapsyrmasyn suraý:
1. Patsha úkimeti Qazaqstanda bilim berý mekemelerin asha otyryp, qandaı maqsatty kózdedi?
2. Qazaqstandaǵy halyq aǵartý isiniń damýynda qandaı kedergiler boldy?
3. Búginde shetelderdegi sıaqty bizdiń elimizde de jeke menshik oqý oryndarynyń bilim berý sapasy jaıly ne oılaısyńdar?

Jańa taqyrypty oqytýdyń jospary:
1. Y. Altynsarınniń aǵartýshylyq kózqarasynyń qalyptasýy.
2. Pedagogıkalyq qyzmeti
3. Ekonomıkalyq kózqarasy
4. Ǵylymı jáne ádebı qyzmeti
5. Qoǵamdyq saıası qyzmeti
Y. Altynsarınniń ómiri men qyzmeti oqýshylarǵa «qazaq ádebıeti» páninen jaqsy tanys. Sondyqtan asa kórnekti pedagog, jazýshy, fólklorıst, etnograf jáne qoǵam qaıratkeri Y. Altynsarınniń qazaq halqyn aǵartý salasyndaǵy atqarǵan qyzmetine jan - jaqty toqtalyp, ótken jón. Aldymen myna termınderdiń maǵynasyn anyqtap alaıyq:
• Aǵartý
• Fólklor
• Etnografıa
• Qoǵamdyq qaıratker
Oqýshylarǵa Y. Altynsarınniń ómiri men aǵartýshylyq qyzmetin bar qyrynan tolyq zerdeleýge múmkindik beretin keste toltyramyz. Bul tapsyrma oqýshylardyń ıntellektýaldyq deńgeıin damytýǵa jáne alǵan maqsatyn júzege asyrý daǵdysyn, logıkalyq oılaý qabiletin jetildirýge ıgi yqpal etedi. Jańa sabaqty meńgerý barysynda oqýshy oqý - aǵartý isiniń mańyzy jóninde durys tujyrym jasaı alady.

. Altynsarınniń pedagogıkalyq qyzmetine sıpattama bere otyryp, onyń oblys gýbernatoryna táýeldi bolǵandyǵyn, ol táýeldiliktiń aǵartýshylyq jumystaryn keńinen óristetýge kedergi keltirgenin aıtyp ótemiz. Y. Altynsarın ólkede kóp salaly bilim berý isin qoldady, qyzdarǵa arnap tuńǵysh mektepter ashty, qazaq balalaryna oqýlyqtar men oqý quraldaryn jazdy.

Sabaqty bekitý:
1. 304 - bettegi qujatpen jumys. Qujat boıynsha qoıylatyn suraqtar:
• Y. Altynsarınniń adamgershilik qasıetteri.
• Ol ómirde qandaı adam boldy?
2. Y. Altynsarın ómir súrgen kezeńge jalpy sıpattama berińder.

Úıge tapsyrma:
1. Paragrafty oqyp shyǵyp, 304 - bettegi suraqtarǵa jaýap berińder.
2. «Kel, balalar, oqylyq», «Óner - bilim bar jurttar» óleńderin oqyp shyǵyp, oǵan taldaý jasańdar (aǵartýshynyń óleńderin paıdalana otyryp, oqýshynyń oqý, bilimge degen ynta - jigerine qozǵaý salý, patrıottyq tárbıe berý).
3. Qosymsha ádebıetterdi paıdalana otyryp, myna taqyrypta derekter jınańdar:
«Sh. Ýálıhanov - qazaq halqynyń asa kórnekti ǵalymy». «A. Qunanbaev - qazaq halqynyń uly aqyny».