InfoHub Logo

Áleýmettik jelide shýly málimdemesimen el nazaryn aýdartqan Shámshi Qaldaıaqov atyndaǵy oblystyq fılarmonıa ánshisi, "Eren eńbegi úshin" medaliniń ıegeri Narkenje Serikbaeva fılarmonıa dırektory Ǵalymjan Ernazarovpen tatýlasqanyn málimdedi.

Serikbaevanyń aıtýynsha, arnaıy komısıa qurylyp, taraptar bir-birine túsinistikpen qarap, keshirim surasqan.

> «Kesheli beri maǵan janashyrlyq tanytyp, qoldaý bildirip jatqandaryńyzǵa rahmet! Búgin mekemege kelip, ákimshiliktiń uıymdastyrýymen Ǵalymjan Ernazarov ekeýmiz mámilege keldik. Bir-birimizdi keshirdik», – dep jazdy ánshi óziniń áleýmettik jelidegi paraqshasynda.

Fılarmonıa dırektorynyń sózinshe, jaǵdaıǵa baılanysty resmı komısıa kelip, eki taraptyń shaǵymyn qarastyrǵan.

Eske salaıyq, buǵan deıin Narkenje Serikbaeva áleýmettik jelide mekeme basshysynyń ózin «ıiskeýge» májbúrlegenin, moraldyq qysym kórsetkenin málimdep, qoǵamnyń qyzý talqysyna ushyraǵan edi.