InfoHub Logo

Kórnekti aqyn Temirhan Medetbekti eske alýǵa arnalǵan jyldyq asqa Almatyda qoǵam jáne mádenıet qaıratkerleri jınaldy. Bul sharaǵa burynǵy memlekettik jáne qoǵam qaıratkeri Imanǵalı Tasmaǵambetov te qatysyp, sóz sóıledi.

Bul týraly Infohub.kz aqparat agenttigi habarlaıdy.

Jazýshylar odaǵynyń múshesi Serik Seıtman áleýmettik jelide bólisken vıdeoda jıynnyń joǵary deńgeıde ótkeni kórinedi. Onyń aıtýynsha, bul kesh aqynnyń rýhyna taǵzym etip, ony qurmetpen eske alýǵa arnalǵan áserli shara boldy.

Rýhanı jıynǵa belgili tulǵalar keldi

Aqynnyń jyldyq asyna Aqushtap Baqtygereeva, Qazybek Isa, Ulyqbek Esdáýlet jáne Asqat Oralov sıaqty zıaly qaýym ókilderi de qatysty. Serik Seıtman marqum aqynnyń tiri kezinde kórsetken qoldaýy úshin ony erekshe qurmetpen eske alý qajettigin aıtyp, bul sharany uıymdastyrýdy azamattyq paryzym dep bilgenin jetkizdi.

Aqynnyń shyǵarmashylyq murasy nasıhattaldy

Shara barysynda Temirhan Medetbektiń shyǵarmashylyǵyna arnalǵan jańa kitaptar tanystyrylyp, qatysýshylarǵa taratyldy. Atap aıtqanda, Serik Táýkebaevtyń "Kók túrik – Temirhan" jáne Raqymǵalı Qul-Muhammedtiń "Aqıqattyń aldaspany" atty eńbekteri kópshilikke usynyldy. Jınalǵandar aqynnyń qazaq ádebıetindegi orny erekshe ekenin jáne onyń shyǵarmashylyq murasy ult rýhanıaty úshin mańyzdy ekenin atap ótti.