Photo: Ayazhan (https://www.pexels.com/@ayazhan-3173683) / Pexels
Imanǵalı Tasmaǵambetovtiń aınalasyndaǵy sybystar: Jýrnalıstiń pikiri
Saıası sahnadan belgili bir ýaqytqa alystaǵan Imanǵalı Tasmaǵambetovtiń aınalasyndaǵy sybys-sybyrlar tyıylar emes. Belgili jýrnalıs Bıgeldi Ǵabdýllın osy jaǵdaıǵa qatysty óz oıyn bildirip, onyń sebepterin ashyp kórsetti.
Bul týraly Infohub.kz aqparat agenttigi habarlaıdy.
Tasmaǵambetovke qarsy naýqannyń sebebi nede?
Ǵabdýllınniń aıtýynsha, Tasmaǵambetovke qarsy júrgizilip jatqan aqparattyq naýqannyń negizgi sebebi – onyń el aldyndaǵy bedeli men tulǵasynan qorqatyn baqtalastarynyń qyzǵanyshy men úreıi.
Ony bılik úshin qaýipti qarsylas retinde kóretinder, kez kelgen múmkindikti paıdalanyp, onyń abyroıyna kir keltirýge tyrysady.
«Imanǵalıdyń esimin el jadynan eshkim óshire almaıdy. Onyń saıası arenaǵa qaıta oralýy keıbir jartykesh saıasatkerlerdi qatty shoshytady. Olar áli kúnge deıin Tasmaǵambetovti kóre almaı keledi», – deıdi jýrnalıs.
Shańyraq oqıǵasy – saıası oıynnyń quraly
Jýrnalıstiń pikirinshe, Tasmaǵambetovke qarsy jıi qoldanylatyn argýmentterdiń biri – Shańyraq oqıǵasy. Alaıda, Ǵabdýllın bul jaǵdaıda Imanǵalıdi kinálaýdy negizsiz dep sanaıdy.
«Shańyraq oqıǵasyna Imekeńniń qandaı qatysy bar? Úılerdi buzýǵa buıryq beretin ákim emes, joǵary turǵan organ ekeni belgili. Almaty halqy jaqsy biledi, Shańyraqtaǵy jerdi zańsyz úlestirgen paraqor sheneýnikter bolǵan. Imanǵalı kelip, bul júıeni tazalaı bastaǵanda, osy sqemadan paıda tapqandar oǵan qarsy arandatý uıymdastyrdy», – dep jazdy Ǵabdýllın.
Kompromat jınaý áreketteri
Ǵabdýllın eks-prezıdenttiń tusynda bılikte bolǵan kez kelgen adamǵa qatysty kompromat jınalatynyn eske saldy. Onyń aıtýynsha, Rahat Álıevtiń Tasmaǵambetovke qarsy kompromat jınaýda belsendi bolǵany aıtylady.
«Álıev Imanǵalıdyń atyn estise, qatty shoshıtyn bolǵan. Ol Tasmaǵambetovtiń jolyn kesý úshin qolynan kelgenniń bárin istedi. Senbeseńiz, Qańtardan keıingi polkovnık Muhtar Qarabekovtyń suhbatyn qarańyz. Samat Ábish pen Darıǵa Nazarbaeva odan Tasmaǵambetovke qarsy jalǵan kýálik berýdi talap etken. Qarabekov tórt jyl boıy UQK jertólesinde otyrsa da, jalǵan qujatqa qol qoımady», – dep jazdy avtor.
Sondaı-aq, Tasmaǵambetov UQSHU hatshysy qyzmetin atqarǵan kezinde de oǵan qarsy jaǵymsyz aqparattyq naýqan júrgizilgeni aıtylady. Onyń «Ivangalı» degen laqap atpen halyqqa jaǵymsyz keıipker retinde kórsetýge tyrysqan.
-
An economist analyzes Kazakhstan's recent GDP surge, revealing underlying issues like inflation and a widening gap in living standards.
-
Renowned journalist Bidigali Gabdullin analyzes the motives behind negative campaigns targeting Imangali Tasmagambetov, shedding light on his political standing.
