InfoHub Logo

E-commerce úshin júz myńdaǵan áleýetti tutynýshylar, vızýaldy marketıńtiń sheksiz múmkindikteri – Instagram-nyń kómegimen satylymdy ulǵaıtýdyń minsiz sharty bolyp tabylady.

Bul maqalada Instagram arqyly «kóterilgen» tabysty 8 ınternet-dúken jaıly qarastyramyz.

Ne úshin Instagram?

Facebook, VKontakte nemese mıllıondaǵan basqa da marketıńtik kanaldardy zerttep, bos áýrege salynbańyz. Satylymdy qalaı arttyrýǵa bolady dep bas qatyrmasańyz da bolady. Jarnamaǵa kóp aqsha jumsaǵanyńyzben, ol ózin aqtamaı jatady.

Barlyǵy keremet sıaqty ma? Mynaǵan nazar salyńyz:

- Instagram qoldanýshylarynyń 50%-y kem degende bir brendtiń jańalyqtaryn qarap otyrady;

- Olardyń 75%-y jazbadaǵy CTA tetigin (áreketke shaqyrý) basady;

- Bul áleýmettik jeli basqalarǵa qaraǵanda 70%-ǵa kóp konversıa alyp keledi;

- Adamdardyń Instagram-dy qoldanýy Facebook-pen salystyrǵanda 10 ese joǵary.

Instagram-da mıllıon dollar tabysqa kenelgen ınternet-kásipkerler ne isteıdi? Alaıda, olar atalmysh áleýmettik jelidegi jarnamaǵa asa kóp júginbeıdi)

Shyndyǵyna keler bolsaq – Instagram-nyń bıznestiń qozǵaltqyshy etken qýlyqtar mynalar.

Siltemesi bar profıl

Qoldanýshylar kez kelgen akkaýnttan satyp alyp nemese tapsyrys berýdi qalamaıdy. Alǵashqy áser de ról oınaıtyny belgili. Eger profıl qyzyqsyz bolsa, olar ary qaraı ótip ketýi yqtımal.

Jarqyn tústermen bezendirý arqyly tutynýshylar sanyn arttyrýǵa bolady. ShopMatina sıaqty smaılıkter qoldanyńyz, jeńildikter usynyńyz, tegin jetkizińiz jáne basqa da artyqshylardy paıdalanyńyz:

«Fılıppındik dızaınerlerdiń usynǵan joǵary qarqynmen damyp kele jatqan kıim ınternet-dúkeni. Jazylýshylarǵa 10% jeńildik. AQSH pen Kanadaǵa jetkizý tegin».

Profılge ónimińizdiń paraqshasynyń siltemesin, áreketke shaqyratyn lendıngter jarıalańyz. Aksıalar men jappaı satylym ótkizgen kezde ony jańartyp otyrýdy umytpańyz.

Promo-jazbalar

Keıbir akkaýnt ıeleri profılge ınternet-dúkenniń mekenjaıyn qystyryp, kútip otyrady... Keıin nege jumys istemeıdi dep tańqalady.

Másele mynada: adamdar profılge jazylǵan kezde jáne odan keıin tek 1-2 ret qana qarap qoıa salady. Olar qalǵan ýaqytta tek taspadaǵy jańalyqtardy oqyp otyrady.

Instagram-daǵy №1 qatelik – satýǵa ıtermeleıtin jazbalar jarıalamaý. Dál osylar maqsatty áreketke shaqyrady.

Ónimińizdiń sýretin jarıalap, ony ne úshin satyp alýǵa bolatynyn jazyp qoıyńyz. Mańyzdy sát – árbir promo-jazbada profılıdegi silteme týraly eske salyp otyryńyz.

ShopMatina ony qalaı jasaıdy:

«Biz úshin ár jol - podıým. Kıimniń barlyq tústerin profıldegi siltemeden qarańyz».

Qoldanýshylardy tartatyn kontent

Instagram-daǵy №2 qatelik – tek satatyn jazbalardy jarıalaý. Adamdar ınternet-dúkenderge bara alsa, áleýmettik jelide ne úshin sizge jazylýy tıis?

Akkaýnt-vıtrına – bul, árıne, keremet, biraq jazylýshylar keıde basqa kontentti de qalaıdy.

Brend týraly qyzyqty oqıǵa jazyyz, sýret nemese vıdeomaterıal jarıalańyz. Aýdıtorıany qyzyqtyratyn kez kelgen dúnıe salyńyz.

Tipti bul týraly alpaýyt rıteılerler de habardar, mysaly, Madewell áıelder kıimderiniń dúkeni:

«Jańalyqtar, oqıǵalar oqyńyz, sýretterdi baǵalap, heshtegterge ótińiz».

Eger sizdiń jazylýshylaryńyz Madewell-diki tárizdi kóp bolmasa, promo-kontenttiń 25%-yna jarıalańyz.

Referaldarmen dostyq

Instagram-da bul óte az ýaqyt ishinde jappaı satylym ákeledi.

Ondaǵan jáne júzdegen myń áleýetti klıentterdi baqylap otyratyn akkaýnttarmen «dostyq» jasaý aýdıtorıanyń eń belsendi segmentine jetýge múmkindik beredi.

Sondaı akkaýnttardy taýyp, solarmen tyǵyz jumys isteńiz:

- S4S (support for support, «sen – maǵan, men – saǵan») – Instagram-nyń belsendi qoldanýshylary paıdalanatyn ózara pıar jasaý ádisi.

- Referalǵa sizdiń jarnamańyzdy óz akkaýntynda jarıalaǵany úshin tólem jasaý (bul ádette 100 dollardan aspaıdy).

Al endi, bul ádisterdi kimniń qalaı qoldanatynyna toqtalaıyq. Keıbir brendtermen tanys bolýyńyz bek múmkin.

Portland Gear sporttyq kıim brendi

Instagram-daǵy shynaıy tabysqa jetý oqıǵasyn bilgińiz kele me?

Portland men PortlandGear brendteriniń ıesi Markýs Harvı óz brendin jetildirý úshin áleýmettik jelini qoldanǵan. Alǵashqy kúni-aq 5 000 dollarǵa zat satqan. Referaldarsyz, tájirıbesiz jáne jarnamaǵa bir tıyn jumsaı-aq!

Qazir onyń jazylýshylar sany 300 myńnan asady, halyqaralyq deńgeıde tanymal boldy. Ol úshin Instagram-ǵa rahmet!

Onyń akkaýntynda – ómir stıli týraly jazbalar, ónimderdi tutynǵan baqytty qoldanýshylardyń sýretteri, anonstar, promo-kontent:

«Fırmalyq saptyaıaqtan kofe ishe otyryp, jeksenbilik tańnan lázzat alyńyz. Onlaın tapsyrys berińiz. Kúnderińiz jaqsy ótsin!»

Eger siz biregeı taýarlaryńyzdy nólden bastap alǵa jyljytqyńyz kelse, siz úshin taptyrmas keńes bolmaq.

Coconut Bowls eko-ydysynyń ınternet-dúkeni

Internet-dúken ashqyńyz kelse, biraq marketıńti qalaı uıymdastyrýdy bilmeısiz be? Coconut Bowls-ten shabyt alyńyz.

«Kokos jańǵaqtarynyń qabyǵynan jasalǵan eko-ydystar. Bir ret qana qoldanýǵa arnalǵan. Kóterme satý. Álem boıynsha jetkizý bar».

Alǵashqy 6 aıda olar tek Instagram-dy qoldanǵan.

Sonymen, nátıjesi qandaı?

- saıtty biregeı qoldanýshylar sany 3 000;

- olardyń 4% – 5%-y sol sátte satyp alady;

- tek qana Instagram-nan aptasyna 100 tapsyrys túsedi;

- kiristiń 40%-y áleýmettik jeli qoldanýshylarynan túsedi;

Blogerler men referaldarmen yntymaqtastyq jasaýdan kúnine 100 adam kiredi. Bir túnde 60 tapsyrys jasaý – rekordtyq kórsetkish!

Seriktestik baǵdarlama boıynsha, referaldar aýdıtorıaǵa brendti tanystyrsa, onyń ornyna ónimdi tegin jetkizýge ıe boldy.

Instagram-daǵy №3 qatelik: satylymdy túrlendirý úshin sýretter men heshtegter jetkilikti. Shyntýaıtynda, qoldanýshylar úırený jáne durys aqparattyń arqasynda maqsatty áreket jasaıdy.

Bul mysaly taǵy bir ret dáleldeıtin nárse: jarnama «kez kelgen buryshtan» aıqaılap turýy mindetti emes. Bir ǵana marketıńtik arnaǵa fokýstalýǵa da bolady.

Kettle & Fire  súıek qosylǵan sorpa óndirýshileri

Sizder Instagram-da tek kıim-keshek pen áshekeılerdi jarnamalaýǵa ǵana bolady dep oılaısyzdar ma? Olaı emes. Kettle & Fire kompanıasy da turaqty trafık pen satylymdy túrlendirýden habardar.

Olar ónimderiniń sýretterin, olardyń sıpattamalary men lendıngke siltemeni salady, paraqshalaryn tanymal etý úshin referaldardy tartady, aıyrbasqa olar ónimge jeńildik alady. 

Mysaly, Whole30 Approved-tiń jumys nátıjesi: 374 ret kirgen jáne 21 ret satqan, ortasha chek – shamamen 95 dollar:

Bul aqyly jarnamaǵa qaraǵanda, áldeqaıda arzan jáne tıimdi.

Prep Obsessed aksesýarlar men sándi áshekeılerdiń ınternet-dúkeni

Instagram-daǵy №4 qatelik: «Bizdiń jazylýshylarymyzdyń sany az, sondyqtan Instagram bizge paıdasyz».

Biraq Prep Obsessed ınternet-kásipkerlerdiń qalyptasqan atalmysh taptaýryndaryn joqqa shyǵardy. Brend Facebook-ten bastaǵan. Alaıda, olar Instagram-ǵa tirkelgende tek 1 700 folloverleri boldy.

Kompanıanyń Facebook-te 25 myń jankúıeri bolsa da, Instagram olarǵa Facebook sıaqty paıda ákelgen – aıyrmashylyǵy tek 10 dollar boldy.

«Jarty baǵasyna satamyz. Syılyqqa syra beriledi. Naýqan aıaqtalmaı turyp, asyǵyńyzdar».

Prep Obsessed Soldsie-dy qoldandy – Facebook-tegi brendterdiń paraqshasyn elektrondyq vıtrınaǵa aınaldyratyn elektrondyq komersıa servısi.

1 - Siz óz profılińizdi Soldsie-daǵy akkaýntqa baılanystyryp, tirkeısiz;

2 - Taımlaındqa taýarlardyń sýretterin sıpattamasymen birge júkteısiz;

3 - Qoldanýshylardyń bireýi osy jazbalardyń biriniń astyna «Satyldy» degen pikir qaldyrǵanyn kútesiz;

4 - Soldsie tetigiınternet-dúkende tapsyrys rásimdegendeı, barlyq áreketti ózi jasaıdy;

5 - Tólemdi qabyldap, taýardy satyp alýshyǵa jiberesiz.

Nátıjesinde qoldanýshylar jazbaǵa pikir qaldyrǵandaı, ońaı satyp alady.

Limelight Extensions shashtaraz qyzmeti

Kelesi bıznes – qyzmet kórsetý salasynan:

«Shashty brazılıalyq keratın ádisimen sándeý. 40% jeńildik».

Olar ónimderin ózderiniń klıentteriniń «buǵan deıingi» jáne «kesingi» sýretterin salý arqyly jarnamalaıdy, jappaı satý, jeńildikter týraly habarlaıdy jáne qoldanýshylardy salonǵa jazylýǵa shaqyrady. 2 myń jazylýshysy bar akkaýnttyń bir jazylymy 10 000 dollardan astam paıda ákeledi!

CIRCULR saǵattar brendi

Instagram-daǵy №5 qatelik: «Bul tek áıelderge arnalǵan áleýmettik jeli jáne áıelderge arnalǵan taýarlar satylady».

Osy ańyzdyń tereńine úńileıik. Mysaly - CIRCULR, saǵattar brendi. Satyp alýshylar arasynda – áıelder de, erler de bar.

Onyń ıesi CIRCULR bıznesin ashpaı turyp, Eýropadaǵy iri ınternet-agenttiginde jumys istegen. Ol tek Instagram arqyly 10 mıllıon dollar tabys tabýǵa bolatynyna kóz jetkizgen! Onyń paıymynsha, ol brendti jasaý jáne ony damytýǵa múmkindik beretin qýatty kanal. Ony paıdalanbaýdyń ózi kúná.

CIRCULR jańa koleksıasyn jarnamalaý úshin óziniń akkaýntynda mynadaı kóztartarlyq rolıkterdi salady. Maqsatty aýdıtorıaǵa dem berý úshin de)

«Qabyl alyńyzdar! Oleg Krıketpen birlesip túsirilgen rolık (orys ekstremal-parkýrshysy, ol Batysty óziniń qorqynyshty trúktarymen tańqaldyrady). Tómendegi silteme boıynsha koleksıadaǵy zattardy satyp alyńyz».

Onyń qupıasy – beıjaı qaramaıtyn joǵary sapaly kontentinde. Ony bólisip, talqyǵa salady.

Beaufort Bonnet Company balalar kıimi men aksesýarlar brendi

Kásibı sýretter aıfonmen túsirilgen mıllıon selfıge qaraǵanda kózdiń jaýyn alyp, ózgeshe kórinedi.

Toı, saıahat, tamaq, úı janýarlary men balalar – Instagram úshin keremet taqyryptar. Sonymen qatar, olarmen baılanysty emosıalar da erekshe!

Beaufort Bonnet Company akkaýnty – balalardyń eń ádemi sýretteri jınaqtalǵan paraqsha:

«Talǵamy bar balalarǵa arnalǵan sapaly kıimder».

Satylymnyń 80%-y Instagram arqyly júrgiziledi. Jaman kórsetkish emes! Siz budan da kóp kórsetkishke qoljetkize alasyz ba?

TruWood saǵattar men kózildirikter brendi

Bir jylda mıllıon dollar, satylym men trafıktiń 35%-y áleýmettik jeliden – muny barlyǵy osy brend úshin Instagram-dy meńgerýdiń nátıjesi.

Olar Instagram-ǵa qalaı keldi?

- Basqa brendterdiń tabysqa jetý oqıǵasy (velosıpedti qaıta oılap tabýdyń qajeti ne?)

- Kásipti bastaýdyń arzan joly.

Ár postta – profıldegi silteme týraly eske salyp otyrý, sebebi olardyń maqsaty – Instagram-daǵy jazylýshylardy saıtqa shaqyrý.

Olar jazylýshylardy satyp alýshylarǵa aınaldyrý úshin ýaqyt qajet ekendigin túsinedi. Sondyqtan sabyrmen baza jınaqtap, referaldarǵa arnaıy jeńildikter beredi.

«Onlaın TruWood! Ár tapsyrysqa 10 aǵash ósiremiz! Profıldegi siltemeni basyńyz».

Artyqshylyǵy – jandy tabıǵatty saqtap qalý taqyrybyna motıvasıa berý. Jaqsy tásil.

Olardyń erekshe sýretterin qarańyz:

«Ǵajaıyp sát – ádemi qus TruWood saǵatyn zerttep jatyr. Ár tapsyrysqa 10 aǵash ósiremiz! Profıldegi siltemeni basyńyz».

R.S. Kórip otyrǵandaryńyzdaı, Instagram ártúrli ónimderge saı kele beredi. Bastysy – olardy «ádemi» etip berý. Tek qana heshteg pen siltemeni berý jetkiliksiz. Ártúrli oqıǵalar aıtyńyz, jazylýshylardy brendpen tanystyryńyz, vıdeolar jarıalańyz.

Sapaly sýretter týraly umytpańyz – atalmysh áleýmettik jelini tek qana mándi mátinmen «baǵyndyrý» múmkin emes.

P.P.S: Qyzyqty ári paıdaly málimetterdi jiberip almaý úshin, bizdiń Instagram paraqshamyzǵa da jazylyńyzdar: @bilim.all

---