InfoHub Logo

Yntymaqty otbasy
(otbasylar saıysy)

1 - júrgizýshi:
Qosh keldińder, qurmetti qonaqtar, ata – analar, ustazdar! Otbasy bala tárbıesindegi eń alǵashqy ujymy mekteptiń odaqtasy. Tálim - tárbıedegi jarasymdylyq, birlesip jumys istegende ǵana úılesimdilik tabady. Osy aıtylǵan sózderdiń bir dáleli, búgingi ótkizilip otyrǵan otbasy saıysy.
2 - júrgizýshi:
Saıystyń maqsaty: ata – ananyń mekteppen tyǵyz baılanysyn arttyrý, balany ulttyq pedagogıka negizinde tárbıeleýde ata – ana men muǵalimniń birlesken jumysyn nyǵaıtý.
1 - júrgizýshi:
Sálem, ana altyn kún!
Sálem, qarty halqymnyń!
Baqytty bolsyn balalar,
Ashyq bolsyn kúnińiz,
Jaınaı bersin júzińiz, - deı kelip, búgingi «Yntymaqty otbasy» atty saıysymyzǵa qosh kelipsizder.

2 - júrgizýshi:
Bala degen bal eken,
Bal degenimiz bala eken.
Balalardyń boıynda,
Bir táttilik bar eken.
Týǵan balań – janǵa sán,
Demeseń de jat bóten.
Naǵyz balań oılasań,
Nemere degen tátti eken.
Sura jezde, apadan,
Qarsy shyǵar az eken.
Naǵyz áke – ata da,
Naǵyz ana – áje eken, - degendeı, bizdiń búgingi tárbıe saǵatymyzdy ul – qyzdaryna ulttyq tól tárbıesin boıyna sepken tamasha ul – qyz tárbıelep otyrǵan ata – analar men ata saltyn úlgi etken ata – ájelerimiz de qatysyp otyr. Endeshe otbasylarymyzdy ortaǵa shaqyraıyq. (Otbasylar ortaǵa shyǵady)

1 - júrgizýshi:
Saıysymyzdyń sharttarymen tanys bolyńyzdar.
1. «Men jáne meniń otbasym» Tanystyrý.
2. «Dástúrli halyq óneri»(Án, bı, sırk, ózindik janr)
3. «Balany jastan» Suraq - jaýap
4. Kórinis.(salt - dástúr boıynsha)
5. Sán úlgisi ulttyq kıimder
6. «Sándik qoltańbaly shyǵarmashylyq» otbasy múshesi daıyndaǵan sándik qoltańbaly shyǵarmashylyq buıymdary nemese «Ejelgi otbasylyq qolóner» usynylady.

2 - júrgizýshi:
Saıysymyzdyń tóreligin beretin ádil qazylar alqasymen tanys bolyńyzdar. (Qazylar alqasy tanystyrylady)
1 - júrgizýshi:
Jaqsy tálim kórmegen,
Ádepsiz dep sanalar.
Jeti atasyn bilmegen,
Jetesiz dep tanylar, - deı kele saıysymyzdyń «Men jáne meniń otbasym» dep atalatyn alǵashqy bóliminde ár otbasy óziniń ata - tegin tanystyrady.
1 - júrgizýshi:
Ekinshi bólimimiz «Dástúrli halyq óneri»(Án, bı, sırk, ózindik janr) ıaǵnı otbasylardyń óz ónerleri.

2 - júrgizýshi:
Bala – ata – ananyń mereıi,
Bar jaqsysyn balasyna tileıdi.
Adamdyq qasıetti úıretip tek,
Balany ol meıirimge bóleıdi, - dep aqyn jyrlaǵandaı, kelesi bólimimiz «Balany jastan» dep atalady. Bul bólimde ár otbasy konverttegi suraqtarǵa jaýap beredi. Barlyq otbasyny ortaǵa shaqyramyz.
1 - júrgizýshi:
Qalatyn bolsyn bir iziń,
Mıras bolyp artyńa.
Esh aıanbaı kún uzyn,
Qyzmet et, halqyńa.
Bolady - aý áste talaı syn,
Ata – baba dańqyna,
Al, ata – ana qalaısyń?!
Ulttyq dástúr, saltyńa, - degendeı kelesi bólimimiz taqyryby salt - dástúrden kórinis kórsetý..

2 - júrgizýshi:
Besinshi bólimimiz sán úlgisi. Iaǵnı otbasylar ulttyq kıimderden sán úlgisin kórsetedi.
1 - júrgizýshi:
Sońǵy shartymyz «Sándik qoltańbaly shyǵarmashylyq»dep atalady. Otbasy múshesi daıyndaǵan sándik qoltańbaly shyǵarmashylyq buıymdary nemese «Ejelgi otbasylyq qolóner» usynylady.

2 - júrgizýshi:
Halqymyzdyń san ǵasyrdan bergi danalyǵyna qulaq assaq, «Adamnyń baqyty - balada» degen eken. Kez kelgen adam ózi ómir boıy qýyp jete almaıtyn baqyt degen qudiretti sózdiń ólshemi ómiriniń jalǵasy urpaǵymen keletinine mán bermeýi de múmkin. Bireý baqytyn baılyqtan tapqysy kelse, ekinshi bireýi dańq pen ataqtan, mansap pen qyzmetten izdestiredi. Munyń bári túsingen adamǵa qoldyń kiri sıaqty nárse. Adamǵa naǵyz baqytty - urpaǵy ǵana syılaı alady. «Adam urpaǵymen myń jasaıdy» degen sóz tegin aıtylmasa kerek. Olaı bolsa adam ómiriniń máni óz urpaǵy degim keledi.
1 - júrgizýshi:
Qurmetti ata - analar, ustazdar osymen «Yntymaqty otbasy» saıysymyz aıaqtaldy. Alǵan júldelerińiz qutty bolsyn. Jeńisten - jeńiske jete berińizder. Qosh saý bolyńyzdar