InfoHub Logo

Taldyqorǵanda 20 jastaǵy stýdentti pyshaqtap óltirgen jantúrshigerlik oqıǵa boldy. Bul týraly Infohub.kz aqparat agenttigi habarlaıdy.

Marqum Jangir Nurlanuly 7 mamyr kúni keshke dostarymen birge fýtbol kórýge ketken. Úı ıesiniń aıtýynsha, sol jerde shamamen on shaqty adam bolǵan, onyń ishinde 17 jastaǵy mektep oqýshysy da bar.

Shıelenisken janjal

Keıinnen jastar arasynda janjal týyndap, olar dalaǵa shyqqan. Alaıda, janjal qaıta jalǵasyp, mektep oqýshysy Jangirdi qaıta shaqyryp alyp, alty ret pyshaqtap salǵan. Alǵan jaraqattarynan jigit sol jerde kóz jumdy.

Anasynyń aıtýynsha

Qaıǵyly oqıǵaǵa az ýaqyt qalǵanda anasy ulymen beınebaılanys arqyly sóıleskenin aıtty. Onyń aıtýynsha, Jangirdiń kóńil-kúıi jaqsy bolyp, ázildesip, keıin qaıta habarlasatynyn aıtqan.

Tergeý bastaldy

Qazirgi ýaqytta bul is boıynsha tergeý amaldary júrgizilip jatyr. Saraptamalar taǵaıyndalyp, zattaı dáleldemeler alynyp, janjalǵa qatysýshylar jaýapqa tartylýda. Qaıtys bolǵan azamattyń otbasy ádil tergeý men kináliniń jazalanýyn talap etip otyr.

Kúdikti ustaldy

Jetisý oblystyq Polısıa departamentinen habarlaǵandaı, qylmys jasady degen kúdikpen ustalǵan azamat ýaqytsha ustaý ızolátoryna qamaldy. Oǵan qatysty qamaýda ustaý túrindegi bultartpaý sharasy sanksıalandy.

«Qazirgi ýaqytta oqıǵanyń barlyq mán-jaıyn anyqtaýǵa baǵyttalǵan jan-jaqty jáne obektıvti tergeý júrgizilýde. Qajetti tergeý jáne prosesýaldyq is-sharalar kesheni oryndalýda. Tergeýdiń barysy oblystyq Polısıa departamenti basshylyǵynyń erekshe baqylaýynda. Ózge aqparat tergeý múddesinde jarıa etilmeıdi», - dep málimdedi vedomstvo.