Photo: Ayazhan (https://www.pexels.com/@ayazhan-3173683) / Pexels
Ýkraına prezıdenti keńsesiniń burynǵy basshysy Andreı Ermak kepilmen bosatyldy
Ýkraına prezıdenti keńsesiniń burynǵy jetekshisi Andreı Ermak tergeý ızolátorynan kepilmen bosatyldy. Ýkraına Jemqorlyqqa qarsy joǵarǵy sotynyń málimetinshe, ol 140 mıllıon grıven, ıaǵnı shamamen 3,16 mıllıon dollar kóleminde kepil tólegen.
Bul týraly Infohub.kz aqparat agenttigi habarlaıdy.
«Ýkraınskaıa pravda» basylymynyń jazýynsha, kepil somasy 200 bólek tólem arqyly aýdarylǵan. Keıbir tólemniń mólsheri nebári 1 tıyn bolǵany aıtyldy. Fýtboldan Ýkraına quramasynyń burynǵy jattyqtyrýshysy Sergeı Rebrov Ermak úshin 30 mıllıon grıven aýdarǵan.
Tergeý barysy
Andreı Ermak 14 mamyrda aqsha jylystatý jáne memleket múlkin ıemdený kúdigimen ustalǵan. Sot ony eki aıǵa qamaýǵa sanksıa bergenimen, 140 mıllıon grıven kepil tólegen jaǵdaıda bostandyqqa shyǵýǵa ruqsat etken.
Zelenskııdiń burynǵy serigi ózinde mundaı kólemde qarajat joq ekenin aıtyp, kepil somasyn tanystary men dostarynyń kómegimen jınaıtynyn málimdegen.
Tergeý nusqasy boıynsha, Ermak Kıev oblysyndaǵy elıtalyq qurylys jobalary arqyly 460 mıllıon grıvennen astam qarajatty zańdastyrýy múmkin topqa qatysy bar degen kúdikke ilingen. Alaıda Andreı Ermak ózine taǵylǵan aıyptardy moıyndamaı otyr.
Burynǵy qyzmeti
Andreı Ermak 2020-2025 jyldar aralyǵynda Ýkraına prezıdenti keńsesin basqarǵan. 2025 jyldyń qarashasynda Ýkraına prezıdenti ony qyzmetinen bosatqan, keıin onyń úıinde tintý júrgizilgen.
-
Novaıa tehnologıa pozvoláet ýlavlıvat ýglekıslyı gaz ı proızvodıt ýdobrenıa, snıjaıa vrednye vybrosy ı ýdeshevláá selskoe hozáıstvo.
-
Former head of Ukraine's Presidential Office, Andriy Yermak, has been released on a substantial bail of 140 million hryvnias as investigations into alleged money laundering and asset misappropriation continue.
