InfoHub Logo

Tanymal ánshi Álı Oqapov «Taboo» baǵdarlamasynda ómirindegi qıyn sátterdiń birin eske aldy. Ánshi áıelimen aradaǵy alǵashqy úzilis kezindegi sezimderimen bólisti.

Bul týraly Infohub.kz aqparat agenttigi habarlaıdy.

Otbasylyq qıyndyqtar

Álı Oqapov áıelimen aradaǵy alǵashqy kelispeýshilikterdi eske alyp, olardyń múldem sóılespeı qalǵan kezin sıpattap berdi. «Ǵashyq bolǵanymdy urysyp qalǵan kezimde túsindim. Múldem aralaspaı kettik. Qazirdiń ózinde balam men áıelim Atyraýda. Olar ketkende meniń ómirimniń boıaýy ketip qalǵandaı boldy. Dámsiz, qyzyqsyz bolyp qaldy. Úıde typ-tynysh. Sol kezde de dál osyndaı jaǵdaı bolǵan», – dedi ánshi.

Anasynyń aqyl-keńesi

Ánshiniń aıtýynsha, ekeýi aralaspaı ketken kezde ómiriniń mán-maǵynasy joǵalǵandaı bolǵan. Muny baıqaǵan anasy Roza Rymbaeva ulynan jaǵdaıdy surap bilgen. «Joq, biz qazir aralaspaımyz, ajyrap kettik dedim. Sonda anam: «Jaraıdy balam, óziń bilesiń. Biraq pikir retinde aıtaıyn. Erke maǵan unaıdy. Ol seniń teńiń sıaqty», – dedi», – dep bólisti Álı.

Tatýlasý

Anasynyń sózinen keıin Álı Oqapov áıeli Erke Esmahanǵa baryp, keshirim suraǵan. Syrtta jańbyr jaýyp turǵan sol bir sátte olar tatýlasyp, qaıtadan birge bolǵan. «Sodan gúlimdi alyp Erkege bardym, keshirim suradym. Dalada jańbyr jaýyp turdy. Tatýlastyq, qushaqtastyq. Sodan qaıtadan ómirim túrli-tústi boıaýǵa endi», – dep áńgimeledi óner ıesi.