InfoHub Logo

Aqtaýlyq asaba Han áleýmettik jelide taraǵan ıntımdi vıdeoǵa baılanysty týyndaǵan jaǵdaıdan keıin alǵash ret jurtshylyq aldyna shyǵyp, otbasyna, ásirese jubaıyna jasalyp jatqan qysymǵa qatysty ún qatty.

Bul týraly Infohub.kz aqparat agenttigi habarlaıdy.

Asaba eń aldymen kópshilikten áıeline baǵyttalǵan jaǵymsyz pikirler men qysymdy toqtatýdy ótindi. Onyń aıtýynsha, bul jaǵdaı jubaıyna aýyr tıgen.

"Qazir áıelime óte qıyn. Eger syn aıtqylaryńyz kelse, maǵan aıtyńyzdar. Men kóteremin. Ótinemin, oǵan tıispeńizder. Ol eshteńege kináli emes", – dedi ol.

Otbasyndaǵy jaǵdaı jáne jalǵan aqparattar

Asaba anasynyń kelinine degen kózqarasy ózgermegenin jáne otbasynda túsinistik baryn jetkizdi. Jelide asabanyń 16 jastaǵy mobılograftyń otbasynan 8 mıllıon teńge talap etti degen aqparat taraǵan bolatyn. Alaıda, ol bul málimetti joqqa shyǵardy.

"Men eshqandaı aqsha suraǵan joqpyn. Barlyǵy sot arqyly sheshiledi. Áıelimniń abyroıy bárinen qymbat. Mundaı máselede aqsha eshteńeni sheshpeıdi", – dedi asaba.

Ol sondaı-aq áleýmettik jelide taraǵan jalǵan aqparattarǵa senbeýge shaqyrdy.

Eńbek joly jáne bolashaq josparlary

Asaba ózine baǵyttalǵan syndarǵa da jaýap berip, jetistikke óz eńbegimen jetkenin aıtty. Onyń sózinshe, ol bala kezinen eńbekke aralasqan.

"Men bárine ózim jettim. Aýylda túrli jumys istedim. Búginde Instagram arqyly tabys taýyp, otbasymdy asyrap otyrmyn", – dedi ol.

Jeli qoldanýshylary onyń qala aýystyrý josparyna da qyzyǵýshylyq tanytqan. Asaba bul suraqqa naqty jaýap bermeı, aldymen qazirgi jaǵdaıdyń sheshilýi mańyzdy ekenin jetkizdi.

"Bári múmkin. Biraq aldymen osy máseleni sońyna deıin jetkizý kerek", – dedi ol.