InfoHub Logo

Iran Syrtqy ister mınıstrliginiń ókili Alı Larıdjanı AQSH-pen eshqandaı kelissóz júrgizýden bas tartty. Bul týraly Irannyń Ulttyq qaýipsizdik keńesiniń hatshysy málimdedi.

Bul týraly Infohub.kz aqparat agenttigi habarlaıdy.

«Biz eshbir jaǵdaıda AQSH-pen kelissóz júrgizbeımiz», - delingen resmı málimdemede.

Buǵan deıin AQSH prezıdenti Donald Tramp Iranmen kelissóz júrgizýge daıyn ekenin aıtqan bolatyn. Ol sondaı-aq, eger Tegeran AQSH-ty «qanaǵattandyrsa», soqqylardy toqtatýǵa bolatynyn jetkizgen edi.

Amerıka áskerıleri qajet bolǵan jaǵdaıda Iranǵa shabýyldy tórt-bes apta boıy jalǵastyrýdy josparlap otyr.

Esterińizge sala keteıik, 28 aqpanda AQSH pen Izraıl Iranǵa qarsy aýqymdy áskerı operasıa bastady. Tel-Avıvtiń aıtýynsha, soqqylardyń maqsaty – Irannyń ıadrolyq qarý alýyna jol bermeý. AQSH prezıdenti Donald Tramp ırandyq flot pen qorǵanys ónerkásibin joıý nıetin bildirip, el azamattaryn rejımdi qulatýǵa shaqyrdy.

1 naýryzǵa qaraǵan túni Iran joǵarǵy kóshbasshysy Alı Hameneıdiń qaza tapqany týraly habarlandy. AQSH pen Izraıl shabýylynan aıatollanyń qyzy, kúıeý balasy, nemeresi jáne kelini de qaza tapty.

BAQ málimetteri boıynsha, zymyrandar áskerı nysandarǵa ǵana emes, Iran men aımaqtaǵy basqa da elderdiń azamattyq ınfraqurylymyna da tıgen. Tegeran buǵan jaýap retinde Izraıl aýmaǵyna, sondaı-aq Taıaý Shyǵystaǵy amerıkandyq bazalarǵa shabýyl jasap otyr.