tengrinews.kz
Iran AQSH-tyń iri tehnologıalyq kompanıalaryna soqqy jasaýǵa aınalasty
Iran Korpýsynyń Islam revolúsıasy saqshylary (KSIR) AQSH-tyń Microsoft, Apple jáne Google sıaqty iri tehnologıalyq kompanıalarynyń nysandaryn shabýyldaıtynyn málimdedi. Bul týraly Infohub.kz aqparat agenttigi habarlaıdy.
KSIR-diń telegram-arnasynda jarıalanǵan málimdemede bul kompanıalar Iranǵa qarsy «terorıstik operasıalarǵa» qatysty dep aıyptaldy. Tizimge 18 kompanıa kirdi. Olardyń qatarynda Cisco, HP, Intel, Oracle, Microsoft, Apple, Google, Meta, IBM, Dell, Nvidia sıaqty iri tehnologıalyq korporasıalar, sondaı-aq Palantir, JPMorgan, GE jáne Boeing kompanıalary bar.
Málimdemede atalǵan kompanıalar Iranǵa soqqy jasaýdy josparlaýǵa jáne baǵyttaýǵa qatysy bar ekeni aıtylǵan. KSIR kompanıa qyzmetkerlerin jumys oryndaryn dereý bosatýǵa, al jaqyn mańdaǵy aýdandarda turatyndardy nysandardan bir kılometr qashyqqa ketýge shaqyrdy. Alaıda, naqty soqqy jasalatyn oryndar týraly aqparat berilmedi.
Keshe, 1 sáýirde Tegeran ýaqyty boıynsha saǵat 20:00-den (Astana ýaqyty boıynsha 21:30) bastap bul qaýipter kúshine enedi. Buǵan deıin naýryz aıynyń ortasynda Irannyń «Hatam ál-Anbıa» áskerı qolbasshylyǵynyń shtaby AQSH pen Izraılge qatysty nysandar men bank ınfraqurylymyna soqqy jasalatynyn habarlaǵan bolatyn.
-
Qazaqstandyqtar úshin depozıttik salymdar boıynsha eń tıimdi usynystardy anyqtaımyz. Bankterdiń naýryz aıyndaǵy ózgeristeri men eń joǵary mólsherlemeler týraly tolyq aqparat.
-
Iran's Islamic Revolutionary Guard Corps has announced plans to target major US technology companies, citing their alleged involvement in operations against the country.
