tengrinews.kz
Iran áskerıleri Ormýz buǵazynda eki kemeni basyp aldy
Irannyń Korpýsy Islam revolúsıasy saqshylary (KSIR) Ormýz buǵazy mańynda ruqsatsyz ótpek bolǵan MSC-Francesca jáne Epaminondas konteıner tasymaldaýshy kemelerin basyp aldy. Bul týraly Press TV telearnasy habarlady.
KSIR-diń málimetinshe, Epaminondas kemesi AQSH áskerılerimen yntymaqtastyq jasaǵan, al MSC-Francesca kemesi Izraılmen baılanysty.
Telearnanyń habarlaýynsha, ustalǵan kemeler júkter men tıisti qujattardy tekserý úshin Irannyń aýmaqtyq sýlaryna jiberiledi.
Esepte Epaminodes kemesiniń Lıberıa týymen júzip, Úndistannyń Mýndra konteıner portyna baǵyt alǵany aıtylady. Telearna KSIR-ge silteme jasap, 2024-2026 jyldary keme AQSH-tyń 11 túrli portyna 36 ret toqtap, shamamen 299 myń tonna júk túsirgenin qosady.
KSIR kemeniń eki kún buryn Ormýz buǵazyndaǵy Larek aralynyń mańynda bolǵanyn atap ótti.
13 sáýirde AQSH teńiz kúshteri Ormýz buǵazynyń eki jaǵyndaǵy ırandyq porttarǵa kirip-shyǵatyn barlyq teńiz trafıgin blokadaǵa aldy. Bul buǵaz álemdik munaı, munaı ónimderi jáne SPG jetkiziliminiń shamamen 20 paıyzyn quraıdy.
-
75-letnıı bıznesmen Erne Dozıo stal jertvoı napadenıa slonov v tropıcheskom lesý Gabona, pytaıas dobyt redkýıý antılopý.
-
Iranian forces have intercepted two commercial vessels in the Strait of Hormuz, citing alleged ties to the U.S. and Israel.
