InfoHub Logo

Irannyń Islam revolúsıasy sarbazdary korpýsy (KSIR) AQSH-tyń besinshi flotynyń áskerı bazasy men shtab-páterine zymyrandar men drondar arqyly shabýyl jasaǵanyn málimdedi. Sonymen qatar, AQSH-qa tıesili «Panaıa» kemesine de shabýyl bolǵany aıtyldy. Bul týraly Tengrinews.kz agenttigi RIA Novostıge silteme jasap habarlaıdy.

Bul oqıǵa kezinde Bahreınde dabyl sırenalary iske qosylyp, turǵyndarǵa qaýipsiz jerlerge barý usynyldy. Kýveıt armıasy drondar men zymyrandardyń shabýylyn toıtarǵanyn habarlady.

AQSH áskerıleri óz kezeginde ırandyq drondar men zymyrandardy joıǵanyn, sondaı-aq Irannyń Keshm aralyna soqqy jasaǵanyn málimdedi. AQSH Qarýly Kúshteriniń Ortalyq qolbasshylyǵy (CENTCOM) Keshm aralyna jasalǵan soqqyny Irannyń Taıaý Shyǵystaǵy shabýyl áreketterine jaýap retinde ózin qorǵaý maqsatynda jasalǵanyn habarlady.

AQSH-tyń jaýaby

«AQSH kúshteri Irannyń Taıaý Shyǵystaǵy shabýyl áreketterine jaýap retinde Keshm aralyna ózin qorǵaý maqsatynda soqqy jasady», - delingen CENTCOM-nyń X áleýmettik jelisindegi habarlamasynda.

Soqqy Irannyń áskerı jerdegi basqarý stansıasyna baǵyttalǵan. CENTCOM málimetteri boıynsha, AQSH áskerıleri Kýveıt pen Bahreınge baǵyttalǵan birneshe ırandyq balıstıkalyq zymyrandary men drondaryn joıyp, AQSH jarıalaǵan blokadaǵa qaramastan Hark aralyna ótýge tyrysqan munaı tankerin toqtatqan.

Amerıkalyq qolbasshylyqtyń aıtýynsha, osydan az ýaqyt buryn AQSH QK aımaqtyq sýlarda zańdy túrde júzip bara jatqan azamattyq teńizshilerge baǵyttalǵan dep aıyptalǵan úsh drondi atyp qulatqan.