Iran Ormýz buǵazyn jabatynyn málimdedi – álemdik munaı naryǵyna soqqy tıýi múmkin
Iran Islam revolúsıasy Saqshylar korpýsy Áskerı-teńiz kúshteriniń qolbasshysy, brıgada generaly Alızera Tangsırı Ormýz buǵazynyń jabylatynyn habarlady. Bul buǵaz – ǵalamdyq munaı tasymalynyń kúretamyry sanalady.
Ormýz buǵazy arqyly álemdik munaı men munaı ónimderiniń 20%-y, ıaǵnı táýligine 20 mıllıon barelden astam kólemde tasymaldanady. Kún saıyn bul teńiz dálizin keminde 100 tanker kesip ótedi. Saýd Arabıasy men BAÁ-niń munaı eksporty osy marshrýtpen júzege asady – tıisinshe 7 mln jáne 1,5 mln barel táýligine.
Sondaı-aq, álemdik suıytylǵan tabıǵı gazdyń (STG) 20%-y osy buǵaz arqyly tasymaldanyp otyr. Katar men BAÁ úshin bul marshrýtqa balama joq.
Ormýz buǵazy – Saýd Arabıasy, Irak, Kýveıt, Katar, BAÁ men Iran sekildi negizgi shıkizat jetkizýshiler úshin strategıalyq mańyzǵa ıe. Al mundaǵy munaıdyń 70%-yn Azıa elderi – Qytaı, Úndistan, Japonıa men Ońtústik Koreıa tutynady.
Munaı baǵasynyń kúrt ósýi men álemdik naryqta energetıkalyq turaqsyzdyq qaýpi shyndyqqa aınalýy múmkin. AQSH senatory Marko Rýbıo bul qadam aımaqtyq shıelenisti ýshyqtyratynyn málimdedi.
-
BAÁ-degi eń qymbat aýdandardyń biri — Dýbaı Marınada ornalasqan 67 qabatty Tiger Tower turǵyn úı kesheninde iri órt shyqty. Qyzyl jalyn ǵımaratty tolyqtaı sharpyp, alty saǵat boıy órt sóndirýshiler til...
-
Memleket basshysy Qasym-Jomart Toqaev Astana qalasynda ornalasqan Bekzat Sattarhanov atyndaǵy sport kesheninde jas fýtbolshylarmen kezdesti. Kezdesý barysynda Prezıdent alǵash ret óziniń otbasy, naqtyr...
