tengrinews.kz
Iran Túrkıaǵa balıstıkalyq zymyran ushyrý aıyptaýlaryna jaýap berdi
Iran Túrkıaǵa balıstıkalyq zymyran ushyrý týraly aıyptardy joqqa shyǵardy. Tegeran bul árekettiń artynda AQSH pen Izraıl tur dep málimdep, eki el arasyndaǵy qarym-qatynasty buzýǵa tyrysqanyn aıtty.
Bul týraly Infohub.kz aqparat agenttigi habarlaıdy.
Irannyń «Hatam ál-Anbıa» ortalyq shtabynyń resmı ókiliniń aıtýynsha, Iran qarýly kúshteri «dos ári kórshi» Túrkıaǵa qaraı zymyran ushyrmaǵan. «AQSH pen sıonısik rejım basshylarynyń burynǵy áreketterin eskere otyryp, bul áreketti AQSH pen sıonısik rejımniń eki el arasyndaǵy qarym-qatynasty buzý maqsatynda jasalǵany anyq kórinedi. Bul tergeýdi talap etedi», - delingen Iran memlekettik telearnasy taratqan málimdemede.
Buǵan deıin Túrkıa qorǵanys mınıstrligi 13 naýryzda el aýmaǵynda Irannan ushyrylǵan balıstıkalyq zymyrandy atyp túsirgenin habarlaǵan bolatyn. Túrkıalyq Savunma sanayi basylymy zymyrannyń Indjırlik áýe bazasyn nysanaǵa alǵanyn atap ótti. Zymyrandy NATO kúshteri joıǵan.
Osy oqıǵaǵa baılanysty Túrkıa Syrtqy ister mınıstrligi Iran elshisin shaqyryp, túsinikteme talap etti. Buǵan deıin Túrkıa qorǵanys mınıstrligi 4 jáne 9 naýryzda Irannan ushyrylǵan degen eki balıstıkalyq zymyrannyń atyp túsirilgenin habarlaǵan.
-
Ýznaıte ob ıstorıı ı znachenıı prazdnıka Kórisý, kotoryı otmechaetsá 14 marta ı znamenýet nachalo Naýryz meıramy.
-
Iran has refuted claims of launching a ballistic missile towards Turkey, suggesting a deliberate attempt by the US and Israel to sow discord between the two nations.
