Photo: Pixabay (https://www.pexels.com/@pixabay) / Pexels
Irandaǵy jaǵdaı shıelenisýde: Hameneıdiń uly shabýyldan jaraqat aldy
Irandaǵy saıası jaǵdaı shıelenise túsýde. Sońǵy málimetterge qaraǵanda, eldiń dinı kóshbasshysy Álı Hameneıdiń uly Modjtaba Hameneı el aýmaǵyna jasalǵan bombalaý shabýyldarynyń birinde jaraqat alǵan.
Bul týraly Al Hadath telearnasy habarlady. Aqparatqa sáıkes, Modjtaba Hameneı tiri, alaıda alǵan jaraqatynyń aýyrlyǵy áli naqtylanbaǵan.
Buǵan deıin AQSH pen Izraıl Iran aýmaǵyndaǵy nysandarǵa, sonyń ishinde Tegeranǵa soqqy bergeni habarlanǵan bolatyn. Bul shabýyldardan keıin Iran da Izraıl men Taıaý Shyǵystaǵy AQSH áskerı bazalaryna jaýap retinde soqqy jasady. Osy oqıǵalardyń saldarynan Irannyń joǵarǵy kóshbasshysy aıatolla Álı Hameneı qaza tapty degen aqparat taraldy. Elde 40 kúndik aza tutý jarıalanǵan.
Irannyń Sarapshylar keńesi jańa joǵarǵy kóshbasshyny saılaý úshin otyrys ótkizýi múmkin ekeni aıtylýda. Arab BAQ-tary Modjtaba Hameneıdi Irannyń kelesi basshysy bolýy yqtımal kandıdattardyń biri retinde qarastyryp otyr.
-
Discover the surprising origins of International Women's Day, tracing its roots from labor activism to the modern-day global observance.
-
Bul maqalada 8 naýryz merekesiniń tek gúl men quttyqtaý emes, sonymen qatar óz baqytyn izdep, ómirden erte ketken qazaqstandyq qyzdardy eske alý kúnine aınalǵany týraly baıandalady.
