Photo: Şevval Pirinççi (https://www.pexels.com/@sevval-pirincci-997526) / Pexels
Irannyń rýhanı kósemi Álı Hameneı ómirden ozdy
Irannyń Joǵarǵy rýhanı jetekshisi, aıatolla Álı Hameneı ómirden ozdy. Bul týraly eldiń memlekettik telearnalary men resmı aqparat quraldary habarlady.
Bul týraly Infohub.kz aqparat agenttigi habarlaıdy.
Málimetterge sáıkes, Hameneı 28 aqpan kúni tańerteń, AQSH pen Izraıl Iranǵa qarsy áýe operasıasyn bastaǵan ýaqytta qaıtys bolǵan. Irannyń memlekettik IRNA agenttigi onyń «sheıit bolǵanyn» habarlady.
Elde 40 kúndik aza tutý jarıalandy
Hameneıdiń qaıtys bolýyna baılanysty Iran aýmaǵynda 40 kúndik aza tutý jarıalandy. Aldaǵy bir apta jumys kúni retinde sanalmaıdy.
Álı Hameneı kim bolǵan?
Álı Hameneı 1989 jylǵy 4 maýsymda Irannyń Joǵarǵy rýhanı jetekshisi qyzmetine taǵaıyndaldy. Bul sheshim Iran Islam Respýblıkasynyń negizin qalaýshy Rýholla Homeınıdiń qaıtys bolýynan keıin qabyldandy.
Odan buryn, 1981-1989 jyldary aralyǵynda ol Iran prezıdenti qyzmetin atqardy. Onyń prezıdenttik kezeńi Iran-Irak soǵysymen tuspa-tus keldi. Bul kezeńdegi soǵys jaǵdaıy, halyqaralyq oqshaýlaný jáne ishki saıası turaqsyzdyq onyń saıası tájirıbesin qalyptastyrdy.
Hameneı bıligi kezinde Iran ıadrolyq baǵdarlamasyn damytýdy jalǵastyryp, aımaqtyq saıasatta belsendi ustanym tanytty. Degenmen, Batys elderimen, ásirese AQSH-pen qarym-qatynasy kúrdeli bolyp qala berdi.
Irannyń saıası júıesinde Joǵarǵy jetekshi eldiń strategıalyq baǵytyn aıqyndaıtyn basty tulǵa sanaldy. Konstıtýsıaǵa sáıkes, prezıdent atqarýshy bılikti basqarǵanymen, mańyzdy sheshimder Joǵarǵy jetekshiniń quzyretinde boldy.
-
Iranmen AQSH pen Izraıl arasyndaǵy shıelenis shıelenisýde. Tegeran Ormýz buǵazyn jaýyp, álemdik munaı naryǵyndaǵy jaǵdaıdy kúrdelendirdi.
-
Sýpermarkety Astany peresmatrıvaıýt sennıkı na sosıalno znachımye prodýkty. Ýznaıte, kakıe ızmenenıa proızoshlı v fevrale.
