InfoHub Logo

Astanada iri kólemde alaıaqtyq jasady degen kúdikpen birneshe qurylys kompanıasynyń basshysy Móldir Súıúnshalı ustaldy. Tergeý málimetteri boıynsha, ol azamattardan kotej qalashyǵyn salýǵa aqsha jınap, ýádesin oryndamaǵan.

Bul týraly Infohub.kz aqparat agenttigi habarlaıdy.

Qurylys kompanıasynyń basshysy alaıaqtyq jasady degen kúdik

Tergeý barysynda anyqtalǵandaı, 2021-2024 jyldary kúdikti óziniń baqylaýyndaǵy kompanıalar arqyly "Nura Elite" jobasyna aqsha jınaǵan. Jobada 37 kotej jáne 24 taýnhaýs salý kózdelgen.

Aıaqtaý merzimi 2023 jyldyń sońyna deıin dep ýáde etilgenimen, nysandar áli kúnge deıin aıaqtalmaǵan. Tek ǵımarattardyń qańqalary ǵana turǵyzylǵan.

3,9 mıllıard teńge jáne qos satylym

Satyp alýshylarmen aldyn ala satyp alý-satý sharttary jasalǵan. Tergeý organdarynyń málimetinshe, 56 adam jábirlenýshi retinde tanylǵan. Jalpy jınalǵan qarajat 3,9 mıllıard teńgeni qurady.

Buǵan qosa, qarajattyń 322 mıllıon teńgesi Súıúnshalı Móldirdiń, onyń jubaıy men anasynyń shottaryna aýdarylǵan, al 145 mıllıon teńge qolma-qol aqshaǵa aınaldyrylǵan.

Sondaı-aq, bir páterdi eki ret satý faktisi anyqtalǵan. Bir satyp alýshy tolyq tólegen kotejdi kúdikti óziniń jeke mindettemeleri boıynsha kepil retinde paıdalanǵan. Nátıjesinde, nysan úshinshi tulǵalarǵa qaıta rásimdelip, birneshe ret satylǵan.

Zańsyz jer ýchaskelerin paıdalaný

Tergeý málimetteri boıynsha, Móldir Súıúnshalı jer ýchaskelerine quqyqtardy berý týraly sharttar jasasqan, biraq olardy paıdalanýǵa zańdy negizdemeleri bolmaǵan.

Úıqamaq jáne tergeý

Sot Móldir Súıúnshalıǵa qatysty úıqamaq túrindegi bultartpaý sharasyn tańdady. Tergeý jalǵasýda.