InfoHub Logo

Reseıdiń Orynbor oblysyndaǵy Irıklın sý qoımasynan Jaıyq ózenine jiberiletin sýdyń kólemi 15 aqpannan bastap táýligine 139 tekshe metrge deıin ulǵaıtyldy. Buǵan deıin bir aı boıy bul kórsetkish 90 tekshe metr/sekýnd bolǵan.

Bul týraly Infohub.kz aqparat agenttigi habarlaıdy.

Sý tasqyny qaýpi bar ma?

«Qazsýsharýashylyǵy» RMK Batys Qazaqstan fılıaly dırektorynyń mindetin atqarýshy Raýan Qusaıynovtyń aıtýynsha, qazirgi ýaqytta sý qoımasy 82,5% tolǵan. Sý qoımasyndaǵy bos syıymdylyq 570 mln tekshe metrge jetken.

Qusaıynov 15 naýryzǵa deıin sý qoımasyndaǵy sý kólemin 950 mln tekshe metrge jetkizý josparlanǵanyn atap ótti. Salystyrmaly túrde, 2024 jyly Irıklın sý qoımasynan sýdyń eń kóp jiberilgen kólemi 2170 tekshe metr/sekýnd bolsa, ótken jylǵy tasqyn kezinde bul kórsetkish 201 tekshe metr/sekýndqa jetken.

Eger Jaıyq ózenine sýdyń kelýi 1800 tekshe metr/sekýndtan assa, jaǵalaýdaǵy saıajaı alqaptarynyń sý astynda qalý qaýpi bar.

Bıylǵy sý tasqyny boljamy

Aldyn ala boljamdarǵa sáıkes, bıyl Irıklın sý qoımasyna sýdyń kelýi ortasha kópjyldyq kórsetkish 1,22 mlrd tekshe metrge qaraǵanda 0,7-1,3 mlrd tekshe metr aralyǵynda bolady dep kútilýde. 2025 jylǵa arnalǵan boljam 1–2 mlrd tekshe metr bolsa, naqty kelgen sý kólemi 1,180 mlrd tekshe metrdi qurady.

Buǵan deıin 15 qańtardan bastap sý qoımasynan táýligine 90 tekshe metr sý jiberilip kelgeni habarlanǵan bolatyn.