InfoHub Logo

İshki ister mınıstrliginde (İİM) ótken alqa otyrysynda 2026 jyldyń birinshi toqsanyndaǵy jedel-qyzmettik jumystardyń qorytyndylary shyǵaryldy. Jıynda mınıstr Erjan Sádenov birqatar mańyzdy tapsyrmalar berdi.

Bul týraly Infohub.kz aqparat agenttigi habarlaıdy.

Basty baǵyttar

Mınıstr kóshi-qon baqylaýyn damytý, qylmystyq-atqarý júıesin jetildirý, vedimistik bilim berýdi nyǵaıtý jáne Ulttyq ulannyń áleýetin arttyrý boıynsha jumystardy kúsheıtýdi tapsyrdy. Sondaı-aq, qyzmettik-áskerı tártipti nyǵaıtý, jaýyngerlik jáne dene daıarlyǵynyń deńgeıin arttyrý basym baǵyttar retinde belgilendi.

Buǵan qosa, jeke quramǵa baqylaýdy kúsheıtip, árbir buzýshylyqqa qatysty qatań baǵa berip, jaýapkershiliktiń sózsiz bolýyn qamtamasyz etý kerektigi aıtyldy. Baspasóz qyzmetiniń habarlaýynsha, basshylardyń ózderine senip tapsyrylǵan aýmaqtardaǵy tártip pen qyzmet nátıjeleri úshin jeke jaýapkershiligi atap ótildi.

Qylmys deńgeıi tómendedi

Vedomstvonyń málimetinshe, esepti kezeńde 2025 jyldyń sáıkes kezeńimen salystyrǵanda qylmys deńgeıi 9 paıyzǵa, ıaǵnı 2150 qylmysqa azaıǵan. Bul kórsetkish barlyq negizgi sanattar boıynsha, sonyń ishinde adamdarǵa qarsy jasalǵan qylmystar, múliktik qylmystar jáne t.b. boıynsha baıqalady.

Resıdıvıser, kámeletke tolmaǵandar, masań kúıde, qoǵamdyq oryndarda jáne turmysta jasalǵan qylmystardyń sany qysqardy. Internet-alaıaqtyq áreketterdiń azaıǵany jáne olardyń ashylý kórsetkishiniń artqany da atap ótildi. Esepshottardy buzý, krıptovalútalar, onlaın-kredıtter jáne jalǵan ınternet-resýrstarmen baılanysty alaıaqtyqtar azaıǵan.

3,6 mıllıonnan astam ákimshilik quqyq buzýshylyqtyń joly kesilip, olardyń aýyr qylmystarǵa ulasýyna jol berilmedi. «Taza Qazaqstan» aksıasy aıasynda 722 myńnan astam quqyq buzýshylyq anyqtalyp, úsh myńnan astam ruqsat etilmegen qoqys úıindisi joıyldy. Jol qaýipsizdigi salasynda 3 mıllıonnan astam jol erejesin buzýshylyqtyń joly kesildi.