Báribir qaraýylǵa ilingensiń,
Bilgishtiń aıtýynsha «búlingensiń»
Jaman óleń jazaıyn Petefıshe
Jamandasyn bilgishim, kúnin kórsin.
Jaman óleń jazaıyn mynadaı dep,
Tory menen jırendi quladaı dep.
Aıtaıynshy qulandy quralaı dep,
Túsinbeıdi teńesem Hantáńirdi!
Qaǵyp koısan Tán-SHanǵa synadaı dep,
İzdestirip jer-kókten qaraıyn da,
Keremet bir teńeýdi tabaıyn da,
Bilgishime bereıin ne der eken,
Aq qaǵazǵa aq boıaý jaǵaıyn da.
Kórer me eken qaısybir qara shashtyń
Kúmis talshyq turǵanyn samaıynda.
Túsiner me ne ekenin baq pen nala
Boıa deıdi jalǵandy aqpen ǵana.
Sezer me eken bilgishim, qaıdam, qaıdam,
Turatynyn almasyp aq pen qara,.
Qyzyl men kók, kúreń men sarylardyń
Biler me eken bir jerden tabylaryn.
Sezer me jyr ańynyn saǵynaryn,
Saǵynaryn aqylyn jany jarym.
At jalynan mal tapqan bir bilgishtiń
Jany jarym aqyndy toryǵanyn.
Maǵan jat kur - qýanysh, aram-qaıǵy!
Bilip turmyn. bilgishim jamandaıdy.,.
Qalaı shalsam eken dep eski dosym,
Kúni-túni tynyshtyq taba almaıdy.
...Aıta kelip adam men zaman jaıly,
- Aqyn óldi, óldi,- dep habarlaıdy,
(Kandıdat bop saparyn támamdaıdy...)
Óz álinshe árkim de samǵap qalar,
Óz ánimen árkim de sarnap baǵar.
Jaman óleń kóp mende, qaýiptenbe,
Jamanda da, aqyldy al, á bátshaǵar...

---