InfoHub Logo

Jambyl oblysynyń Qordaı aýdanyndaǵy Qarakemer aýylynda eki toǵyzynshy synyp oqýshysynyń denesi tabyldy. Bul týraly jergilikti BAQ-qa silteme jasap Infohub.kz habarlady.

Marqumdar ártúrli mektepte oqyǵanymen, jaqyn dostar bolǵan. Aldyn ala boljam boıynsha, oqýshylar ózderine qol salypty. Alaıda, bul týraly resmı málimet áli naqtylanbaǵan.

Oblystyq balalar quqyǵy jónindegi ombýdsmenniń aıtýynsha, qaıǵyly jaǵdaıǵa ushyraǵan eki otbasy da kópbalaly, áleýmettik jaǵynan qamtamasyz etilgen.

Psıhologıalyq kómek kórsetilýde

Oqıǵanyń mán-jaıyn Jambyl oblysynyń ákimi baqylaýyna aldy. Qazirgi tańda aýylǵa balalar quqyǵy jónindegi ókil men bilim berý basqarmasynyń basshylyǵy kelgen. Qaza tapqan oqýshylardyń synyptastarymen jáne ata-analarymen psıhologtar jumys istep jatyr.

«Qordaı aýdanyndaǵy sýısıd faktileri boıynsha qylmystyq is qozǵaldy. Qazirgi ýaqytta oqıǵanyń barlyq mán-jaıyn jan-jaqty, tolyq jáne obektıvti anyqtaýǵa baǵyttalǵan qajetti tergeý áreketteri júrgizilýde», - dedi Jambyl oblysy PD baspasóz qyzmetiniń jetekshisi Gúlsara Muhtarqulova.