InfoHub Logo

Soltústik Qazaqstan oblysy,
Esil aýdany, Mektep aýyly
«Mektep negizgi mektebi» KMM
matematıka jáne ınformatıka pániniń muǵalimi
Balahmetova Roza Balǵabaıqyzy

Jańa aqparattyq tehnologıalardy matematıka pánin oqytýda paıdalaný

Qazirgi tańda bilim salasy qyzmetkerleriniń aldynda turǵan basty maqsat – jana tehnologıalar arqyly bilim mazmunyn jańartý.
Sapaly bilim berý qazirgi ýaqytta, bilim alýshylardyń jumysyn uıymdastyrýda jańa ádister men tehnologıalardy keńinen paıdalanýdy, bilim berýdi aqparattandyrýdy talap etedi.
Oqý - tárbıe úrdisinde jańa pedagogıkalyq tehnologıalardy paıdalaný sózsiz bilim sapasynyń artýyna alyp keledi, sondyqtan jańa tehnologıany árbir ustazdyń paıdalanýy - ómir talaby.
Birikken Ulttar uıymynyń sheshimimen

«HHİ ǵasyr – aqparattandyrý ǵasyry» dep atalady.
Kompúter – aqparatty óńdeý quraly. Kompúterdiń múmkindikterin paıdalana otyryp matematıka sabaǵynda kórsetý, túsindirý, jattyqtyrý, túzetý jáne baǵalaýdy júzege asyrýǵa bolady. Matematıka páni muǵalimi pedagogıkalyq jumysta belgili bir nátıjege jetýdi kózdep, kompúterlik tehnıkany matematıka pánin oqytýda tıimdi paıdalanyp, sapaly bilim berýge qol jetkizýge bolatyndyǵy aıqyn.

«Kompúter – ýaqyt talaby» biz ýaqytymyzdy utymdy paıdalanamyz. Kompúter bizge zıan dep jatamyz, onymen jumys istep qoldana bilseń esh zıandyǵy joq. Qazir jańa zaman. Biz bárimiz kompúterdi tolyqtaı bilýge tıispiz..
Jańa ınformasıalyq tehnologıa qarqyndy damý ústinde - osyǵan baılanysty kompúterde erkin jumys isteý, odan ınformasıany ala bilý, ony óńdeý jáne kúndelikti iste paıdalaný damýdyń qajetti sharty bolyp tabylady.

Jańa komýnıkasıalyq tehnologıalardy paıdalanýdyń basty maqsaty - oqýshylardyń oqý materıaldaryn tolyq meńgerýi úshin oqý materıaldarynyń praktıkalyq jaǵynan tıimdi usynylýyna múmkindik berý.
Bul maqsattarǵa jetý jolynda elektrondyq oqýlyqtar, tekserý programmalary, oqytý programmalary sıaqty programmalyq ónimder qyzmet etedi. Bilim salasynda kompúter oqý úshin oqý quraly, al muǵalim úshin jumysshy bolyp tabylady.
Osy jańa tehnologıaǵa naqty túsinik berer bolsaq (Slaıd )
Jańa aqparattyq tehnologıalar degenimiz – bilim berý isinde aqparattardy daıarlap, ony bilim alýshyǵa berý prosesi.
Oqytýdyń aqparattyq tehnologıasy – bilimdi jańasha berý múmkindikterin jasaý (pedagogıkalyq is - áreketti ózgertý), bilimdi qabyldaý, bilim sapasyn baǵalaý, oqý - tárbıe úrdisinde oqýshynyń jeke tulǵasyn jan - jaqty qalyptastyrý úshin aqparattyq tehnologıanyń qosymshasy dep túsiný kerek.
Kompúter - bilim berý isindegi buryn sheshimin tappaı kelgen jańa, tyń dıdaktıkalyq múmkindikterdi sheshýge múmkindik beretin zor qural.
Biraq áli kúnge deıin biz osy zor quraldyń sheksiz múmkindikteriniń onnan - birin de paıdalana almaı otyrmyz.

Búgingi tańda jas urpaqqa pándi tıimdi uǵyndyrýdyń biri – jańa tehnologıa negizderi bolyp tabylady. Mundaı jańa tehnologıalardy paıdalanyp oqytý barysynda oqytýshyǵa qoıylatyn negizgi talap oqýshynyń bergen jaýabyn túzetý, berilgen tapsyrmany oryndaý joldaryn kórsetý, oqýshyǵa óz oıyn ret - retimen tolyq jetkizýdi
úıretý bolyp tabylady.
Qazirgi ýaqytta árbir jańa zamanǵy adam kompúterdi biledi, ony jumysta da, úıde de qoldanady. Kompúterlik tehnologıalardyń jańa zamanǵy álemi bizge óte úlken kólemdi máselelerdi sheshýge múmkindik beredi, az ýaqyt ishinde aqparattyń óte zor kólemin óńdeýge kómektesedi.

Aqparattyq tehnologıany paıdalanýdyń tómendegideı artyqshylyǵy bar: bilim mazmunynyń zaman talabyna saı bolýy, bolashaqta qajetti bilimdi tolyǵymen alý, bilimdi ózdigimen meńgerý, ózin - ózi baǵalaı alýy, óz kúshine senimdiliktiń bolýy, óz jetistigin kóre alýy, oqýshyny izdeniske, shyǵarmashylyqqa baǵyttaıdy.

Osylaısha aqparattyq tehnologıalardy paıdalanyp oqytý mynadaı nátıjelerge qol jetkizedi:
- oqý materıalyn tereń túsinýge;
- oqý motıvasıasynyń artýyna;
- alǵan bilimniń uzaq ýaqyt este saqtalýyna;

Al, aqparattyq tehnologıany qoldaný oqýshyǵa ne beredi?
 Oqýǵa degen qyzyǵýshylyǵyn arttyrady
 Kórnekti túrde tapsyrmalardy oryndaı alady
 Ǵylymı - zertteý jumystarymen aınalysýǵa kómektesedi
 Ýaqytty únemdeıdi
 Qaıtalaý múmkindigin keńeıtedi
 Oryndaǵan jumystarynyń qatelerin
birden kórýge múmkinshilik týdyrady

Meniń matematık retinde óz aldyma qoıǵan maqsatym:
«Oqytýdyń ozyq aqparattyq – ınovasıalyq
tehnologıalar ádisteriniń tıimdi jaǵyn paıdalanyp,
matematıkalyq bilim júıesin damytyp,
sapaly bilim berý».

Jasalǵan jumystarymnyń negizinde oqýshynyń
eseptiń berilgenin tolyq oqyp shyǵýǵa daǵdylandyrý,
teorıany bilý, ony logıkamen ushtastyrý,
shapshań oılaý qabiletin qalyptastyrý,
kórý, este saqtaý qabiletin damytý,
esepti shyǵarýda tıimdi jaǵyn kórýge baýlý,
pánge degen qyzyǵýshylyǵyn arttyrý baǵytynda
kóp jyldardan bergi pedagogıkalyq jumystaryn júrgizip kelemin.

İs tájirıbemde aqparattyq tehnologıanyń barlyq múmkindikterin paıdalana otyryp, oqýshylardyń shyǵarmashylyq daralyǵyn qalyptastyrý úshin sabaqta tómendegi is - sharalardy qoldanýdyń mańyzy zor ekenin baıqadym.
•Oqýshynyń daıyndyq deńgeıin, yntasyn jáne qabyldaý jyldamdyǵyn eskerý arqyly jańa materıaldardy meńgerýge baılanysty oqytýdy uıymdastyrý jáne oqytý prosesine jańa aqparattyq tehnologıanyń múmkindikterin paıdalaný.
•Oqytýdyń jańa ádisteri men formalaryn (problemalyq, uıymdastyrýshylyq is - áreketin kompúterlik oıyndar jáne t. b. )
sabaqta jıi qoldaný.
•Problemalyq zertteý, analıtıkalyq jáne modeldeý ádisterin qoldaný arqyly klasıkalyq ádisterdi jetildirý.
•Blok – shema, grafıkter, dıagram, karta t. b.
Tirek – shema, kórnekilikter jáne anyqtama quraldary.
•Oıyn arqyly oqytý. Sóz jumbaq, rebýstar. Logıkalyq esepter. Testileý jáne baqylaý.
Oqýshynyń bilimin damytý úshin jańa uǵym, jańa úlgi, jańa tásilder kerek dep oılaımyn.

Tolyq nusqasyn júkteý