InfoHub Logo

Egemendi elimizdiń jahandyq órkenıetke enýimen birge bilim berýge  qoıylyp otyrǵan talaptyń ózi shyǵarmashylyqpen jumys isteı biletin, básekege qabiletti jeke tulǵa qalyptastyrý ekendigi barshamyzǵa málim. Basty maqsat tek bilimdi tulǵa daıyndaý ǵana emes, rýhanı dúnıesi baı, ulttyq qundylyqtardy baǵalaýǵa jáne damytýǵa qabiletti tulǵany tárbıelep shyǵarý bolyp otyr. Ustazdar qaýymyna  el erteńi bolashaq urpaqtyń «quzirettilik» dep atalatyn bilimdiliktiń jańa deńgeıine shyǵýyna jaǵdaı jasaý mindeti tur. Bul árıne, sapaly bilim men iskerlikti talap etetini jasyryn emes. Al oqýshyǵa sapaly bilim berý, sabaqqa yntasyn arttyrý, quzyrettiligin qalyptastyrý muǵalimniń qolyndaǵy sharýa. Urpaq bolashaǵy bilim shańyraqtarynan bastaý alady. El erteńi – ózimiz oqytyp, tárbıelep otyrǵan mektep oqýshylary.  Qazirgi bilim berý úrdisinde oqytýdyń sońǵy tásilderin ıgergen, shyǵarmashyl, pedagogıkalyq sheberligi jetilgen, úılestirýshi muǵalim aýadaı qajet. Zaman talabyna saı jańartylǵan bilim berý baǵdarlamasy da urpaq úshin tyń serpin, tyń baǵdarlama bolyp otyr. 

«Muǵalim óziniń bilimin úzdiksiz kóterip otyrǵanda ǵana muǵalim, oqýdy, izdenýdi toqtatysymen onyń muǵalimdigi de joıylady,»-dep uly pedagog K.D.Ýshınskıı aıtqandaı, muǵalim únemi bilimin jetildirip, ózin-ózi damytyp otyrsa, bilim salasyna qosqan úlesi de zor bolmaq. Osy oraıda elimizdiń túkpir- túkpirinde jańartylǵan bilim berý mazmunyn ıgertýge , muǵalim bilimin jetildirýge baılanysty kýrstar ótkizilip jatyr.Talǵar aýdanyna qarasty Tuzdybastaý aýylyndaǵy № 31 mektepte óz bilimin jańartýǵa kelgen ustazdarǵa qazaq tildi mektepterdegi «Qazaq tili» men «Qazaq ádebıeti» pánderi boıynsha pedagog kadrlardyń biliktiligin arttyrý kýrsy uıymdastyrylǵan bolatyn. Kýrs treneri Bısenbaeva Merýert Kenjeǵulqyzy toptaǵy 27 muǵalimdi jańartylǵan bilim berý baǵdarlamasynyń qurylymy, maqsat- mindetteri, pedagogıkalyq ádis-tásilder, krıterıaldy baǵalaý júıesin úıretýde bar bilim, kúsh-jigerin aıamady. Sabaqtyń sapasyn arttyrýǵa bolatyn bilim berýdegi spırál qaǵıdaty jeńilden kúrdelige qaraı ósetinin, tapsyrmalardy ózdikterinen oryndaıtyndaı jospar qura bilýge úıretti. Ustazdarǵa ustaz bola júrip, ár jastaǵy muǵalimderdiń bilimge degen qushtarlyǵyn oıatyp, jigerin tasytty. Pedagogıkalyq sheberligin shyńdaýǵa qomaqty úles qosty desem, artyq bolmas. Bilimdi de, bilikti trener Merýert Kenjeǵulqyzynan bilim berý júıesine engen jańalyqtyń qyr-syryn tereń meńgergenimiz anyq. Úırengen ádis- tásilderimizdi ár sabaǵymyzda jan-jaqty qoldanyp, keleshek urpaqtyń sanasyna quıýǵa súbeli úles qosamyz degen oıdamyn.

Sembaeva Altynkýl Satymbaıqyzy

Talǵar aýdany № 21 mekteptiń qazaq tili men ádebıeti páni muǵalimi

---