InfoHub Logo

Sovet elinde jańa jyl — jańa tilek, jańa is. Sekýndtan quralǵan ýaqyt jyldardy jasasa, bizdiń adamdar úlkendi — kishili eńbegimen komýnızmniń keń saraıyn jasap jatyr. Búgingi únder, búgingi tostar jańa tolqynmen osyny aıtady. Solarǵa qosyla meniń de aıtarym bar.

Ótken jyly ádebıetimiz buryn shyqpaǵan bıikke shyqty. Tolyq maǵynasynda professıonaldyq ádebıet dep tanylýy «Abaı» romany memlekettik bas báıgeni alýy — buǵan aıqyn dálel. 1950 jyl osyndaı úlken ólsheýishin ala kelip tur. Onyń ústine búginnen erteń asatyn saltymyz bar. Bunyń bári ádebıettik oıdy, izdenýdi, jaýaptylyqty tereńdete, qıyndata túsedi. Ol qıyndy jeńbeı, ol tereńge boılamaı ádebıet ómir shyndyǵyn kórsete almaıdy. Kórsetse shala-sharpy kórsetedi.

Jańa jylda men, ózime osyndaı sharttar qoıyp, úlken istiń ústinde otyrmyn. Ádebıetimiz áli sosıalısik ındýstrıany meńgere alǵan joq. Elimizdiń maqtanyshy bolyp otyrǵan Qaraǵandy sıaqty óndiris alyptary, kómir kochegarkasy, eńbek qazany ǵana emes, adam sanasynyń qaınar bulaǵy da, ádebıet maqtanyshy da bolyp otyr. Osy Qaraǵandy jaıynda eki kitap jazbaqpyn. Birinshi kitap Sovettik Qaraǵandynyń alǵashqy on jylyn qamtıdy. Aldaǵy jazda, eń ári ketse respýblıkamyzdyń otyz jyldyǵyna deıin jazyp bitirmekpin. Ekinshi kitap Temirtaýdy ishine ala, keıingi on jyldy qamtıdy. Bul 1951 jyldyń sybaǵasy.

Qaraǵandy 1930 jyldyń 20 maıynda tórt-bes japyraq baraq, jalǵyz ǵana tútinsiz turba edi. Sodan búgingi Qaraǵandyny jasaý keremet emes pe? Ol bólshevık partıasy bastaǵan myńnyń keremeti! Birdiń basyna syımaıdy. Bárin kórsetý tipti qıyn. Negizgi qasıetterin bere alsam da maqtan eter edim.

1950

---