InfoHub Logo

M.Shahanov atyndaǵy jalpy orta mektebinde úsh aılyq prezıdenttik kýrstan ótken mamandar esebi - 10 bolsa, onyń úsheýi İ deńgeıli (mektep dırektory - N.Jubaev, DǴİJO - D.Ospanov, qazaq tili mamany - Q.Ozyqbaı), ekinshi deńgeıli – 2 (matematıka páni muǵalimi-A.Qasymbekova, qazaq tili mamany - A.Japabaeva), úshinshi  deńgeıli - 5 (aǵylshyn  tili  páni  mamany - A.Qarabala, qazaq tili mamandary - B.Tókebaev men M.Absamatova, bastaýysh synyp mamandary - R.Óserbaı men Q.Qaldybekova). Bul pán muǵalimderi oqý men oqytýdyń tıimdi tásilderin meńgerýmen qatar, mektep mamandaryna tálimgerlik etýde jáne mektepti damytý jumysy aıasynda kóshbasshylyq jasaýda óz  quzirettilikterin rastaǵan mamandar. Búgingi tańda mektep dırektory N.Jubaevtyń basshylyǵymen qurylǵan «Serpin» kásibı qoǵamdastyǵy  D.Ospanovtyń jetekshiligimen óz tynysyn jetildirip, damytýda.

Mekteptegi pedagogıkalyq keńes, dırektor janyndaǵy keńes, ádistemelik keńes otyrystary dástúrli jıynnan búgingi zamanaýı dóńgelek  ústel pikir-talasyna baǵyttalyp, josparalana ótilýi mektep basshysy N.Jubaevtyń sheberligi men jańasha tehnologıalyq júıeniń  tıimdiligin is-júzinde aıqyn júzege asyra bilýinde dástúrge aınaldy.

«Oqýshynyń pánge degen qyzyǵýshylyǵyn arttyrýda, birlesken jumysty oqý men oqytý tehnologıasynda júıeli josparlaý» taqyrybyndaǵy qoǵamdastyq jumysy mektep ujymynda ózindik úlesin qosyp keledi. Osynyń aıǵaǵy, DOİJO - N.Baýbeovtiń 2016 jyldyń qańtar aıynda «Jańasha oqytý úrdisi, sabaq úderisinde» atty taqyryptaǵy onkúndiktik josparyna sáıkes ótilgen ashyq  sabaqtar toptamasy men sáýir aıynda ótilgen «Biz  jańasha  oqytamyz!» taqyrybyndaǵy aılyq is-sharasynyń joǵary deńgeıde júrgizilýi.

Aılyq is-sharada tálimger jáne kóshbasshy ustazdar uıymdastyrǵan koýchıngter men tálipterdiń ótkizgen ashyq sabaqtary, sonymen qatar  jas mamandardyń ádis almasa otyryp, ony sabaq barysynda júzege asyrý barysyndaǵy jumys ádisterin jasqanbaı, óz sabaqtaryna  tájirıbeli ustazdardy qatystyra otyryp, usynystar men pikirlerin tyńdap, ómirlik shyńdalýlary ujymdaǵy aǵa býyndardy súısindirdi.

Iá, ustaz árdaıym jańalyq aınasy, jańalyq kelbeti ispetti. Sondyqtan da, aldaǵy oqý jylynda kútip turǵan Bilim reformalaryna saı, árbir  muǵalimniń kásibı jabdyqtalýy - búgingi kúngi ustazdar sheberligin taǵy da bir qyrynan ósýine jáne damý maqsatyna yqpal eteri aıqyn.

Ońtústik Qazaqstan oblysy
Otyrar aýdany
Qazaq tili men ádebıeti pániniń muǵalimi
Ozyqbaı Qalbıbi Júsipjanqyzy

---