InfoHub Logo

Qazaqstannyń tanymal ánshileri Janbolat pen Jazıra juby toıdaǵy jomarttyǵymen eldi taǵy bir tańǵaldyrdy. Bul joly olar ózderiniń týǵan jerinde ótken toıda qaıyn inisi men abysynyn erekshe syımen qýantty.

Bul týraly Infohub.kz aqparat agenttigi habarlaıdy.

Toıdaǵy tartý

Ánshiniń tuńǵyshy Qazbektiń toıynda sóz alǵan Jazıra Baıyrbekova, jubaıynyń inisi Nurbolat pen onyń áıeli Aıgúlge arnap tosyn syı jasady. Ol óz sózinde, ekeýiniń úıdiń kenjesi bolsa da, úlken jaýapkershilikti arqalap, qonaqjaılylyq tanytyp júrgenin atap ótti.

«Biz kelgende esik árdaıym ashyq, dastarhan jaıýly. Bar aýyrtpalyqty moınyna alǵan Aıgúlge rahmet aıtqym keledi. Sol úshin osy toıda bir ıdeıa keldi. Ekeýine álemniń kez kelgen jerine bir aptalyq saıahat syılaǵym keledi. Eger shetelge barýdy qalamasa, Saryaǵash nemese Almaty qalasyna demalys usynamyz», - dedi Jazıra Baıyrbekova.

Jelidegi pikirtalas

Ánshiniń bul sózinen keıin áleýmettik jeli qoldanýshylary arasynda qyzý talqylaý bastaldy. Kóbisi juptyń jomarttyǵyna rızashylyǵyn bildirse, keıbiri syılyqtyń tańdaýyna qatysty pikir bildirdi. Keıbir jeli qoldanýshylary «Shetelden bastap Saryaǵashtan aıaqtaldy», «Mashınany nege bermegen?» degen sıaqty pikirler qaldyrdy. Alaıda, kópshiligi juptyń bul áreketin quptady.