InfoHub Logo

Mysyrdyń Gıza qalasynda ótken boks keshinde brıtanıalyq Hamza Shıraz pen germanıalyq Alem Begıch arasyndaǵy jekpe-jek ekinshi raýndta aıaqtaldy. Shıraz qarsylasyn nokaýtqa jibergennen keıin, Begıch kezdesýdi jalǵastyra almady.

Osylaısha, Hamza Shıraz ekinshi orta salmaqtaǵy WBO nusqasy boıynsha bos turǵan álem chempıony ataǵyn ıelendi. Bul – jeńilip kórmegen brıtandyq boksshynyń kásipqoı rıngtegi 23-shi jeńisi, onyń 19-y nokaýtpen keldi. Al Alem Begıch karerasyndaǵy alǵashqy jeńilisin kórdi. Buǵan deıin ol 29 ret jeńip, bir ret teń túsken bolatyn.

Aıta keteıik, buǵan deıin Hamza Shıraz qazaqstandyq Jánibek Álimhanulymen judyryqtasýy múmkin edi. Alaıda, túrli sebepterge baılanysty bul kezdesý ótkizilmedi. Keıin Shıraz ekinshi orta salmaqqa aýysyp, mine, chempıondyq belbeýdi enshiledi.