InfoHub Logo

Belgili qazaqstandyq boksshy Janqosh Turarovtyń áıeli Klara Isa áleýmettik jelide kúıeýine qatysty oryn alǵan daýly jaǵdaıǵa jańa derekter qosty. Onyń aıtýynsha, Ánarý Qurmanáli túngi ýaqytta belgisiz nómirlerden Janqoshqa turaqty túrde qońyraý shalyp júr eken.

Klara Isa bul týraly Instagram-daǵy paraqshasynda jazyp, Ánarýdyń áreketterin "uıat ári aıanyshty" dep atady. Ol Janqosh Turarovqa únemi qońyraýlar keletinin jáne bunyń artynda ne jatqanyn ýaqyty kelgende ashyq jarıalaıtyndaryn málimdedi.

"Ánarý túngi ýaqytta únemi habarlasyp, túrli áńgimeler aıtady. Bul áreketi óte uıat ári aıanyshty. Eger shynymen zorlanǵan bolsa, osylaı qońyraý shalar ma edi? Ýaqyty kelgende bárin aıtamyz," – dep jazdy Klara Isa.

Klara Isanyń málimdemesi

Odan bólek, Klara Isa kúıeýin Ánarýdy polısıaǵa ustatyp jibermeı toqtatqanyn aıtty. Onyń sózinshe, Janqosh Turarovty ashýynan saqtap, Ánarýǵa aıaýshylyq tanytyp otyr.

"Biz polısıaǵa habarlasyp, ony ustap jiberer edik, biraq adamdyqqa salyp, ony aıap otyrmyz. Bul jaǵdaı ashý emes, músirkeýdi qajet etetin jaıt," – dep málimdedi boksshynyń áıeli.

Janqosh Turarov pen Ánarý Qurmanáli arasyndaǵy daý

Janqosh Turarovtyń áıeli budan bólek, Ánarýdyń olardy Instagram arqyly quttyqtap jazǵan posttaryn da kórsetken. Ol bul habarlamalardy jarıalamaı sabyr saqtaýda, biraq jınalǵan málimettermen bólisýge daıyn ekenin atap ótti.

Áleýmettik jelide oryn alǵan bul oqıǵa Janqosh Turarovtyń januıasyna qatysty jankúıerler arasynda úlken qyzyǵýshylyq týdyrýda. Klara Isa qazirgi tańda sabyrlyqpen qarap, bolǵan jaıtty ýaqytynda ashyq etetinin aıtyp otyr.