InfoHub Logo

Daıyndyq synyby
Taqyryby: Jaqsylyq jasaý da – baqyt.
Maqsaty: ózara dostyq, «jaqsylyq» uǵymdary ,adamgershilik qundylyqtary jóninde túsinik berý,
Kórnekilikter: sújetti sýretter, oıynshyqtar
Ádis – tásili: saıahat sabaq

Sabaqtyń barysy:
İ. Shattyq sheńber
Armysyń, shapaǵatty kúnimiz!
Armysyń, meıirimdi jerimiz!
Armysyń, Tabıǵat anamyz!
Ádeppen bas ıer balamyz!
Qaıyrly tań, qaıyrly kún barshaǵa,
Qosh keldińiz, bizdiń balabaqshaǵa!

İİ. Áńgimeleý
Balalar biz búgin adam boıyndaǵy jaqsy qasıetter jóninde áńgimeleımiz.
- Balalar «jaqsylyq» degen sózdi qalaı túsinesińder?
Jaqsy adam – ol qandaı adam?
(balalardyń jaýaptaryn tyńdap, tárbıeshi tolyqtyrady)
Balalar, durys aıtasyńdar, ıaǵnı adam boıyndaǵy jaqsy qasıetter ol – úlkenderge kórsetken kómegi, kishige qamqor bolýy, uly tabıǵatty aıalap, mápeleýi, ıaǵnı aǵashtardy syndyrmaý, jerge, sýǵa qoqys zattardy tastamaý, qustar men jan – janýarlardy qamqor etip ,týǵan jerge degen súıispenshiligi jaqsy adamgershilik qasıetteri arqyly kórinedi.
Balalar senderdiń boılaryńda osyndaı qasıetter bar ma?
(balalardyń jaýaptaryn tyńdaıdy)

Olaı bolsa, jaqsy qasıetterdi dáleldeý úshin Tabıǵat Anaǵa saıahat jasaıyq sebebi, Tabıǵat bizdiń anamyz, Biz tabıǵatqa – panamyz.
(Balalarmen kedergilerden ótip,Tabıǵat Ana aıasyna saıahat jasaımyz. Tabıǵat Ana amandasyp, balalardy qarsy alady )
Tabıǵat Ana, bizdiń balalar óz boılaryndaǵy jaqsy qasıetterdi anyqtaý maqsatynda, sizden kómek surap keldi.
Barlyq tirshilik etken aǵzalardyń boıynda jaǵymdy qasıetter bolady, onsyz ol tirshilik ete almaıdy.
Senderdiń jaqsy bala ekenderińdi synap,tekserip, múmkin bul suraqqa ózderińniń is-áreketterińmen jaýap berersińder. Aldymen men senderge eki bala «Jaqsylyq pen Jamandyq» týraly mysalymdy usynamyn. Osy mysaldy kóre otyryp, jaqsy men jamannyń ara jigin ajyratatyn bolasyńdar.
(balalar «Jaqsylyq pen Jamandyq» mysalyn tamashalaıdy)
Jaqsylyq dosyna jaqsylyqty úıretý úshin Tabıǵat Anadan kómek suraıdy. Tabıǵat Ana mysaldan keıin, balalarǵa saýal tastaıdy.

Balalar Jaqsylyq nege kóńildi júredi?
Al Jamandyq she?
(balalardyń jaýaptaryn tyńdaıdy)
Balalar, sender Jamandyqqa kómektesesińder me?
Iá, «Jaqsylyq jasaý da – baqyt...»

İİİ. Oıyn «Ne ister ediń?»
Tabıǵat Ana oıyn usynady.
Oıyn sharty: sýrette kórsetilgen jaǵdaıattarǵa qoıylǵan suraqtarǵa óz oılaryn erkin aıtyp, jaýap berý.
Tárbıelik maqsaty: balalardy jaqsy qasıetterge baýlý.

İÝ. Ǵajaıyp sózder
Men tabıǵatty súıemin,
Tabıǵatsyz ómir joq.
Sýdy lastamaıyq.
Ormanda ot jaqpa.
Aǵashty syndyrma.
Qustardy qorǵaımyn.
Sýdy lastamaımyn.
Aǵashty kóp otyrǵyzamyz.
Gúldi jaqsy kóremin.
Taza aýamen tynys alamyn.
Serýenge kóp shyǵamyz.

Tabıǵatqa qamqor bop,
Baılyǵyn biz qorǵaıyq.
Ata – anaǵa qamqor bop,
Asyl murager bolaıyq.
Dosymyzǵa berik bop,
Tatý-tátti bolaıyq.
Ádepti de, tártipti
Jaqsylyǵyn qoldaıyq.

Jaqsylyqqa – jaqsylyq,
Ár kisiniń isi.
Jamanshylyqqa – jaqsylyq
Er kisiniń isi. (M.Áýezov)

Jaqsy bolsań, jerdeı bol
Bárin shydap kótergen.
Taza bolsań sýdaı bol
Bárin jýyp, ketirgen.
Bireýge jaqsylyq etseń –
Ol jaqsylyqty mindet etpe! (M.Áýezov)

Jaqsylyq júrgen jerde, tarshylyq bolmaıdy.

Jaqsy sóz – jaqsy tilek,
Bolaıyq izgi nıetti.
Jaqsy oılap kisige,
Tileıik úlken – kishige – dep tamasha sózdermen «Jaqsylyq jasaǵan baqyt» - dep aınalańa jaqsy ister jasap, qýantsań, kóńilin árdaıym qýanyshqa tolyp, baqytty bolasyń.

Ý.Sergitý sáti
Mynaý – meniń júregim,
Bári osydan bastalady,
Mynaý – basym aqyldy,
Bárin osy atqarady.
Mynaý – meniń oń qolym,
Mynaý meniń – sol qolym
Barlyq isti atqarady.
Mynaý - meniń oń aıaǵym,
Mynaý - meniń sol aıaǵym
Jaqsylyqqa aparady.

Ýİ. Tynyshtyq sáti.
Balalar bir sátke Tabıǵat Ana baýyrynda tynyǵaıyq, boıymyzǵa sińirgen jaqsy qasıetterdi tula boıymyzǵa taratyp, júregimizdegi jaqsylyq alaýyndaǵy jylýdy bir – birimizge tilek aıtyp, nurlandyraıyq.
Al endi, kózimizdi ashyp, jaqsy qasıetterdi boıymyzǵa darytyp, sezimderimizben bóliseıik.
(Tabıǵat – Ana balalarǵa júreksheler berip, tilek aıtyp, qoshtasady)

Ýİİ. Qorytyndy
(balalardyń alǵan áserlerimen bólisedi, suraqtarǵa jaýap beredi, tárbıeshi tolyqtyrady)

Ýİİİ. Júrekten – júrekke
Tosyn syı, án «Biz baqytty balamyz.»