InfoHub Logo

Quralaıdy kózinen atqan mergen jigit ań aýlaýǵa shyǵady. Ne kezikse qutqarmaıtyn, neni atyp alam dep attansa, sony qanjyǵalap keletin mergen bul joly aq bóken atyp ákelý nıetimen shyǵady eken. Ol jol-jónekeı kezikken basqa ańdardyń eshbirine oq shyǵarmaı neshe kún sarylyp tek aq bóken izdeıdi. Aq bókenniń terisi saýdagerler úshin tabylmaıtyn qazyna, qalta toltyrar baılyq bolsa kerek-ti. Jigit neshe kún sarylyp izdep júrip jonda jaıylyp júrgen bir top aq bókenge tap bolady. Qanjyǵam maılandy, taban terim aqtaldy dep oılaǵan mergen baspalap kelip aq bókenniń bireýin nysanaǵa alyp, óler jeriń osy dep basyp qalady. Bókender úrke jónelip qyratty asyp ketedi. Mergenniń jyqtym-aý dep atqan aq bóken de aqsańdaı basyp top bókenniń artynan erip, qashyp qyrqany asyp ketedi. Jigit artynan qýsa da, bókenge jete almaıdy, jaraly aq bóken ólimnen qutylyp ketedi. Mergenniń oǵy qalt tıýin bókenniń kıesinen dep oılaǵan kúıshi, aqsaq bókenniń júrisin qosyp osy kúıdi tartypty-mys.

 

---