InfoHub Logo

Atyraý oblysy, Qyzylqoǵa aýdany, Mıaly aýly.
Balabaqsha tárbıeshisi Orynbasarova Meıramgúl Asqarqyzy

Taqyryby:«Jarqyn kóbelekter»
Bilim berý salasy: Shyǵarmashylyq
Uıymdastyrylǵan oqý is - áreketi: Sýret salý
Pán aralyq baılanys: aınalamen tanystyrý, kórkem ádebıet
Maqsaty: - qylqalamdy durys ustaý daǵdysyn meńgertý;
boıaýdy tańdaýǵa, birneshe tústerdi qosý arqyly qajetti tús shyǵaryp alýǵa úıretý;
«kláksografıa» tásilimen tanystyrý.
Aldyn - ala júrgizilgen jumys: kóbelekterdi baqylaý
Kórnekilikteri: aq qaǵaz, kóbelektiń sýretteri, qaryndashtar, palıtra, boıaý, qylqalam, sý quıatyn quty.
Ádis - tásili: Kórsetý, túsindirý, suraq - jaýap, áńgimeleý, sergitý sáti, óleń oqý, kláksografıa.
Tárbıeshiniń is - áreketi
Balalardy uıymdastyryp, nazarlaryn sabaqqa aýdarý.

Shattyq sheńberi
Araılap tań atty,
Altyn sáýle taratty.
Jarqyraıdy qalamyz,
Jaınaı tústi dalamyz,
Qaıyrly tań dostarym!
Balalarǵa A. Sarsekovtyń «Kóbelek» óleńin oqý:
Men tımeımin, jasqanba,
Dos bolaıyq, kóbelek.
Jaınap turǵan baqshamda
Gúlderimdi kóre ket.
Tutqıyldan sastyra,
Jańbyr jaýsa sebelep,
Taqıamnyń astyna
Tyǵyla ǵoı, kóbelek.
Balalarǵa kóbelekterdiń sýretterin kórsetý. Olardyń qandaı bolatyny jaıly balalardan suraý.

– Kóbelekter qandaı bolady?
– Kóbelekter ne jaqsy kóredi?

Sergitý sáti.
Kóbelek - aý, kóbelek,
Bizdiń gúlge qona ket.

Balalarǵa jumysty oryndalý retimen kórsete otyryp tanystyrý.
1. Qylqalamdy taza sýǵa batyryp, onymen boıaýdyń ústine sý tamyzý. Boıaýdyń jarty bóligi sý bolady. Endi boıaýdy sýmen aralastyramyz.
2. Aralastyrǵan boıaýǵa qylqalamdy batyramyz. Qylqalammen kóbelektiń oń jaq qanatyna daq túsiremiz. Aldymen sary, odan keıin qyzyl tús, sodan keıin kók tústi kezekpen tamyzamyz. Árbir boıaý túsin paıdalanǵan soń, qylqalamnyń ushyn tazalap jýyp otyramyz.
3. Qaǵazdy dál ortasynan búktep, kóbelektiń sol jaq qanaty men oń jaq qanatyn bettestiremiz de ony qolymyzben ústinen sıpaımyz. 1 - den 5 - ke deıin sanaımyz.
4. Kóbelektiń qanatyn ashamyz.

Tolyq nusqasyn júkteý