InfoHub Logo

Shyǵys Qazaqstanda teristańbaly degen elde Taılaq degen ataqty qý, sózge sheshen adam bolǵan. Taılaq:

— Ómirde meni jeńgen adam joq. Al ótemiste Jaýyr degen qý bar dep estımin. Ony da eshkim jeńbepti. Men sonymen sóılesip, ne jeńip, ne jeńilip qaıtaıyn, — dep, izdep baryp Jaýyrdyń úıine qonyp otyrypty. Tórde Taılaq otyr. Úı ishi keshki malǵa shyǵyp ketken, úıde ekeýi ǵana.

Jaýyr sózben tıiskisi kelip, Taılaqqa:

— Seniń atyń kim?

— Atym — Taılaq.

Jaýyr: — Sen aldyńǵy jyly da Taılaq, byltyr da Taılaq, bıyl da Taılaq. Seniń qunan, dónen, atan shyǵar jylyń bar ma?

Taılaq: — Seniń atyń kim? — dedi.

Jaýyr: — Meniń atym — Jaýyr.

Taılaq ornynan turyp, ot basyna baryp, shoǵy aralas qolamtany qos ýysymen sheńgeldep alyp, Jaýyrdyń qasyna kelip:

— Sen aldyńǵy jyly da Jaýyr, byltyr da Jaýyr, bıyl da Jaýyr. Seniń jaýyryń óli ettenip ketken bolar, men ystyq qolamtamen kúıdireıin, — dep jelkesine quıa salǵan eken.

Sóıtip, ómirinde Jaýyr qýdy jeńgen tek Taılaq bolǵan eken.

---