InfoHub Logo

Matematıka
Uzaq merzimdi jospar bólimi: 1V bólim – Geometrıalyq pishinder
Sabaq taqyryby: Jazyq geometrıalyq fıgýralardy salý
Osy sabaqta qol jetkiziletin oqý maqsattary (oqý baǵdarlamasyna silteme)
1. 3. 1. 2 jazyq fıgýralardy (úshburysh, dóńgelek, sharshy, tiktórtburysh) jáne keńistik fıgýralardy (kýb, shar, sılındr, konýs, pıramıda, tikburyshty parallepıped) taný jáne qorshaǵan ortadaǵy zattarmen sáıkestendirý
Sabaq maqsattary: Jazyq jáne keńistik fıgýralardy ajyratady, olardy qorshaǵan ortadaǵy zattarmen salystyra alady.
Tildik maqsat: úshburysh;
dóńgelek;
sharshy;
tiktórtburysh;
jaq.

Baǵalaý krıterııleri: Geometrıalyq fıgýralardy ataıdy jáne ajyratady
Qundylyqtardy darytý: Oqýshylarda bir - birine degen qurmet kórsetý qasıetin tárbıeleý.
Pánaralyq baılanystar: Qazaq tili, óner
AKT qoldaný daǵdylary: Interaktıvti taqta
Bastapqy bilim: Zattardy materıalyna qaraı ajyratady
Sabaqtyń basy
5 mınýt «Tańǵy sheńber»
Ósemiz biz kúlip - oınap,
On saýsaqtyń salasyndaı,
Ósemiz biz kúlip - oınap,
Bir adamnyń balasyndaı.
– Balalar, bir - birimizdiń qolymyzdan ustap, alaqan arqyly júrektiń jylýyn sezinip úırengen qandaı tamasha, qandaı qýanysh!

İİ. Ótkendi qaıtalaý.
1. Ótken sabaqta qandaı geometrıalyq fıgýralarmen tanystyq?
2. Geometrıalyq fıgýralardy ataý
3. Qoldaryna jip berý arqyly túzý syzyq, qısyq syzyq, kesindi, synyq syzyqtar jasatý.
4. Kesindi men syzyqtyń aıyrmashylyǵyn suraý
Sabaqtyń maqsaty: Jazyq geometrıalyq fıgýralardy salyp úırenemiz

Sabaqtyń ortasy
1. Tájirıbe jasaý:
Toptarǵa tapsyrmalar beriledi
Tapsyrmalar:
1. Konýs, pıramıda, parallepıped sıaqty keńistik fıgýralaryn berip, aq qaǵazǵa tabanyn syzǵyzý
2. Shyqqan fıgýrany qıyp alý
3. Sýretin salǵan fıgýramen salystyrý
Oqýshylardan ne baıqaǵanyn suraý Kórgenderi boıynsha qorytyndy jasatý. Konýstyń ústel ústinen joǵary turǵanyn, onyń tek tabany ǵana ústelde jatqanyn, al dóńgelek túgelimen ústel betinde ornalasqanyn baqylaý arqyly qorytyndy jasatqyzý. Sondyqtan konýs pen dóńgelektiń eki túrli fıgýralar bolatynyn aıtamyn.
Olardyń negizgi aıyrmashylyǵy: dóńgelek — jazyq, al konýs — keńistik geometrıalyq fıgýra ekendigin aıtyp, qorytyndy jasaý.
Oqýshylardan taǵy da qandaı fıgýra arqyly dóńgelekti salýǵa bolatynyn suraımyn. Jaýaptaryn aıtqyzyp, olardyń durystyǵyn tekserýdi usynamyn. Oqýshylar shar men sılındrdi aıtýy múmkin. Sılındrdi qoldanyp, tájirıbeni qaıtalap kórýge bolady jáne syzǵannan paıda bolǵan dóńgelekti kórsetemin. Al shardy bastyryp syzýdyń múmkin emes ekenin, biraq ol da keńistik fıgýrasyna jatatynyn aıtyp qorytyndylaý. Sonymen shar men sılındr — keńistik fıgýralary, al dóńgelek — jazyq fıgýra ekenine tájirıbe arqyly kóz jetkizedi.
2. Oryndap kór. Berilgen tapsyrmada oqýshylarǵa aınalasyn zertteı otyryp, pishini jazyq fıgýralar bolatyn nemese izi jazyq fıgýranyń pishinin elestetetin zattardy tabýdy usynamyn.
3. Shyǵaryp kór. Oqýshylarǵa tapsyrmada kórsetilgen sýrettegi zattarǵa muqıat qarap, olardyń jaqtarynyń qandaı pishin quraıtynyn anyqtaıdy. Tapsyrmany oryndaý barysynda oqýshylardy keńistik jáne jazyq fıgýralar týraly alǵan bilimderin taldaı biledi.

Dáptermen jumys:
Fıgýralardy toptastyr. Tapsyrma fıgýralardyń tıpterin ajyratý daǵdysyn damytýǵa arnalǵan. Oqýshylar fıgýralardy toptarǵa bólip, ár topty ózine tán tuıyq syzyqpen aınaldyryp syzý kerek.
Fıgýralar men zattardyń pishinderin salystyr. Tapsyrma oqýshylardyń qandaı jazyq geometrıalyq fıgýra berilgen zattyń beınesine sáıkes keletinin anyqtaı bilý daǵdysyn tekserýge arnalǵan. Oqýshylar keńistiktegi zattyń pishininiń jazyq geometrıalyq fıgýranyń qaısysyna sáıkes keletinin anyqtap, fıgýrany zattyń túsine sáıkes boıaýmen boıaýy tıis.
Qosymsha tapsyrma: Sirińke taıaqshalary men ermeksazdy paıdalanyp, jazyq fıgýralaryn jasaý.

Kókshetaý qalasyndaǵy fızıka - matematıka baǵytyndaǵy
Nazarbaev Zıatkerlik mektebi
Muǵalimniń aty - jóni: Sabıtova A. S.

Jazyq geometrıalyq fıgýralardy salý júkteý