InfoHub Logo

Bloger Aıǵanym Myrzahmetova, ıaǵnı Aıka esirtki saqtaǵany jáne jeńgetaılyq jasaǵany úshin sottalyp, keıin bostandyqqa shyqqan edi. Endi onyń túrmege qaıta oralmaýy múmkin degen másele qoǵamda qyzý talqylanyp jatyr.

Bul týraly Infohub.kz aqparat agenttigi habarlaıdy.

Aıka laqap atymen tanymal bloger 2024 jyldyń mamyrynda sot úkimimen bas bostandyǵynan aıyrylǵan bolatyn. Alaıda, kishkentaı balasynyń bolýyna baılanysty 2025 jyldyń qarasha aıynda túrmeden ýaqytsha bosatylǵan. Keıinnen, 2025 jyldyń qyrkúıeginde Qylmystyq kodekstegi ózgeristerge sáıkes, sot onyń jazasyn óteýdi 2 jylǵa keıinge qaldyrdy. Osy ýaqyt ishinde ol probasıalyq baqylaýda bolady.

Qoǵamdaǵy suraqtar men zańger pikiri

Blogerdiń jazasynyń jeńildetilýi qoǵamda túrli pikir týdyrdy. İshki ister mınıstri Erjan Sádenov merzim aıaqtalǵan soń jaza jalǵasatynyn aıtqanymen, İshki ister mınıstrligi bul máseleniń sot quzyretinde ekenin naqtylady. Mınıstrlik resmı jaýabynda: «Merzim aıaqtalǵannan keıin jazanyń túrin ózgertý sot organdarynyń quzyretine jatady. Sot onyń tártibi men qoıylǵan talaptardy saqtaýyn eskere otyryp úkimniń odan ári oryndalýy týraly sheshim qabyldaıdy», – dep habarlady.

Zańger Abzal Qasymjanovtyń aıtýynsha, eger sottalǵan adam probasıalyq baqylaý talaptaryn buzbasa, sot ony jazadan tolyq bosatýy nemese jeńildetýi múmkin. Bul gýmanısik norma, ásirese, kishkentaı balalary bar áıelderge qatysty qoldanylady. Alaıda, aýyr qylmystar jasaǵandarǵa bul jeńildik qoldanylmaıdy.

Eger Aıka probasıalyq talaptardy buzsa, ony qaıtadan kolonıaǵa jiberý týraly usynys jasalýy múmkin. Al eger barlyq shartty oryndasa, sot ony tolyq bosatý nemese jazany jeńildetý týraly sheshim qabyldaýy yqtımal.