InfoHub Logo

Jeńis týy jelbire
Maqsaty:
1. Bilimdilik: Balalarǵa Uly Otan soǵysy, jeńis, erlik, batyrlyq týraly túsinik, uǵym berý, bilimderin jetildirý.
2. Tárbıelilik: Otandy qorǵaýǵa, súıispenshilikpen qaraýǵa, súıýge, úlkendi qurmetteýge, otan úshin shaıqasqa túsken aǵa - apalarymyzdyń rýhyna bas ıýge, úlkenge – izet, kishige - qyzmet etýge, adamgershilikke tárbıeleý.
3. Damytýshylyq: Balalardyń aqyl - oıyn, qıalyn, tilin, sóz baılyǵyn, án aıtý qabiletin damytý.
Júrgizýshi:
Qamyqpaǵan qıyndyqtyń úreıinen,
Ózderińe sılap qyrdyń gúlinen
Búgingi urpaq – baqytty urpaq atanyp
Quttyqtaımyz Uly Jeńis kúnimen!
Jeńis degen jaqsylyqtyń syńary
Jigermenen qushtarlyqtyń quraly
Kúreskerdiń armany men urany
Qýanysh pen merekeniń bulaǵy.
Qurmetti ustazdar men balalar! Barshamyzǵa belgili 9 mamyr - 5 jylǵa sozylǵan uly Otan soǵysynda nemis basqynshylaryn óz ordasynda kúırete talqandap, ádiletti elimizge jeńis ákelgen kún. Jeńis ońaılyqpen kelgen joq. Qansha bala jetim qaldy, qansha ana jesir qaldy, qanshama qyrshyn bozdaqtarymyz otan úshin ómirin qıdy. Soǵys zardaby qanshama júrekterge jazylmas jara saldy.
Bıyl mine, sol jeńiske de 73 jyl tolypty. Biraq, bizge – tynysh jyldar, baqytty ómir syılaǵan ata - babalarymyzdyń erligin umyttyrmaq emes! Erler esimi – el esinde máńgilik saqtalady. Qazir bizdiń balalardyń Jeńis kúnine arnap daıyndaǵan erteńgiligin tamashalańyzdar. Osy erteńgilimizdi bastamas buryn balabaqsha dırektory Sarbınaz Talapqalıqyzyna sóz kezegin beremiz.
Júrgizýshi:
Bult túnerip aspannan
Talaı kózden jas tamdy
Tutqıyldan jaý tıip,
Qyrǵyn soǵys bastaldy - dep (Qarlyǵash pen Kógershin toptarynyń tárbıelenýshileri) «Balasyn saǵynǵan ana» mýzykalyq kórinis
Júrgizýshi:
Tyldaǵy el de erledi
Tynymsyz kún - tún terledi
Erlerdiń joǵyn bildirmeı
Jaýdy da jeńip kel dedi.
Báride maıdan úshin
Báride jeńis úshin
Bizder úshin janyn qıǵan
Bas ıemiz jandarǵa.
Júrgýzishi: Osy surapyl soǵysta er azamattarmen birdeı bizdiń apalarymyzda ózderiniń esten ketpes erlikterin kórsetip, otan úshin qan maıdanda jaralanǵan soldattardyń janyn saqtap óz kómekterin aıaǵan joq. Sum soǵystyń ózi órimdeı jap - jas Álıa men Mánshúk qyzdarymyzdy ala ketti. Mánshúk 19 jasqa kelgende soǵysqa attandy. Ol pýlemetshi, mergen bolǵan. Mánshúk erlikpen qaza boldy, eli úshin otqa túsip, jas ómirin otan úshin qıdy. Sol batyr apalarymyz ben aǵalarymyzdy 1 mınýt únsizdikpen eske alaıyq.
Án: «Kógershin»tobynyń tárbıelenýshisi Saıyn Qundyzdy ortaǵa «Anashym» ánimen qarsy alaıyq.
Júrgizýshi: Ana názik, ana meıirimdi bul mereke tek er - azamattarymyz úshin ǵana emes, analarymyzǵa jáne barsha halyqtyń merekesi, elinde qalǵan analar soǵysqa ketken azamattarynyń tileýin tilep, kúni - túni eńbek dalasynda aıanbaı eńbek etti.
Óziniń náziktigine qaramastan shyryldaǵan balasymen qosa, tylda eńbek etken, aıaýly analarymyzda jeterlik.
Analar osylaısha júzge jetkin
Ul - qyzyn endi ózińdi erkeletsin
Árqashan shattyqtardan oryn alyp
Ýaıymnyń ne ekenin bilmeı ótkiń!
Bı: «Qarlyǵash» tobynyń tárbıelenýshilerin «Jigitter» bıimen qarsy alaıyq.
Júrgizýshi: Balalar jeńiske jetý qıynǵa tústi. Onyń jolynda mıllıondaǵan azamattar mert boldy. Olar Otan úshin, biz úshin, sender úshin, bolashaq úshin, urpaq úshin shaıqasqa tústi. Olar birlik pen erliktiń arqasynda jeńis saǵatyn qoldaryna tıgizdi.
Jeńis, alaqaı jeńis!
Jasasyn jeńis
Bolmasyn soǵys!
Bolmasyn soǵys!
Bolmasyn! – dep «Qarlyǵash»tobynyń tárbıelenýshisi Asqar Gúlsezimdi «Men qazaqtyń qyzymyn» ánimen qarsy alaıyq.
Júrgizýshi:
Bı: «Kógershin»tobynyń tárbıelenýshilerin «A ty mená lúbısh» bıimen qarsy alaıyq.
Júrgizýshi:
Kórinis - (Balabaqsha pedagog qyzmetkerleri)
Alaýlap gúl turady
Týǵan jer qulpyrady
Beıbitshilik bolsa!
Túrlenip baqsha, baǵy
Tirlik te jaqsarady
Beıbitshilik bolsa!
Úıler de qulamaıdy
Eshkimde jylamaıdy
Beıbitshilik bolsa! Balalar bolady aman Analar bolady aman Beıbitshilik bolsa!- dep dana halqym, dara halqym tegin aıtpaǵan.
Fleshmob: «Sarbazdar»
Júrgizýshi: Balalar, biz aǵa - apalarymyz úshin qaryzdarmyz. Otan úshin janyn aıamaı, orasan zor qaısarlyq, batyrlyq, erlik kórsetken erjúrek batyrlardy búgingi kúnde eske alý, umytpaı esimderin tarıhta jańǵyrtyp otyrý - sizderdiń jáne bizderdiń paryzymyz!
Eshqashanda endi soǵys bolmasynshy
Gúlderi ata - ananyń solmasynshy
Jeńermiz qıyndyqty qaıyspastan
Tek qana elge amandyq ornasynshy
Beıbit bolyp árbir kúnimiz
Bereke tola bersin jylymyz
Bıikterge tursyn máńgi jelbirep
Kók aspanmen tústes bizdiń týymyz – dep «Kók týdyń jelbiregeni»ánimen merekelik erteńgilimizdi aıaqtaımyz!

Mańǵystaý oblysy, Túpqaraǵan aýdany, Fort - Shevchenko qalasy
Baýtın aýyly,"Aqbota"balabaqshasynyń dene shynyqtyrý nusqaýshysy
Ermekbaeva Amankýl Ersaıynovna