InfoHub Logo

Maqsaty: Balalardyń jolda júrý týraly alǵan bilimderin tıanaqtaý. Jol belgilerin aıyra bilýge daǵdysyn qalyptastyrý. İs júzinde qoldanýǵa qyzyǵýshylyqtaryn týdyrý. Balalardy meıirimdilikke, baıqaǵyshtyqqa tárbıeleý.
Kórnekilikter: Jol belgileri, kóshe maketi, baǵdarsham, aldyn ala ázirlengen kıimder, oıynshyq mashınalar.
Ádis tásil: Oıyn, suraq - jaýap, sahnalaý.
Uıymdastyrý kezeńi: Balalar sheńberge turyp, qımylmen:
- Armysyz, qaıyrly kún!
- Armysyz, Qaıyrymdy Aspan - ata!
- Armysyz, meıirimdi jer - Ana!
- Armysyz, shuǵylaly Altyn - Kún!
- Qýanaıyq, shattanaıyq bárimiz!
- Kúlip shyqty kún búgin!
- Bárimiz kúndeı jarqyraıyq!
- Bárimiz tatý bolaıyq!
- Bárimiz dos bolaıyq!- dep bir - birine lebizderin bildiredi.
Tárbıeshi: Balalar, búgingi kúnimizde senderge men de sáttilik tileımin.
/osy kezde esik qaǵylyp poshtashy hat ákeledi/
Tárbıeshi: Balalar, bizge hat ákelipti. Káne, oqıyq. «Jol belgileri eliniń turǵyndarymyz. Bizdiń jol belgilerin mystan kempir sıqyrlap tastady. Endi bizdiń elimizde jol apattary bolyp jatyr. Bizge kómektesińder!»Sálemmen, jol belgi eliniń turǵyndary.
Tárbıeshi: Kórdińder me, balalar, jol belgilerinsiz, baǵdarshamsyz, jolda júrý óte qıyn eken. Olaı bolsa, Biz avtobýspen «Jol erejeleri eline» saıahatqa baramyz. Ol úshin balalar, aldymen kólikte, avtobýsta júrý erejelerin esimizge túsireıik.
Balalar:
- Avtobýsqa, tramvaıǵa artqy esikten kirip, aldyńǵy esikten shyǵý kerek.
- Jasy úlken, kishkentaı bópeli adamdarǵa oryn beremiz.
- Avtobýsta aıqaılap sóıleýge, qatty kúlýge bolmaıdy, ol ádepsizdikke jatady.
- Ashyq esik, teregeden basyn shyǵaryp qolyn sozýǵa bolmaıdy, olaı isteý qaýipti.
Tárbıeshi: Óte durys. onda avtobýsqa mineıik, saparǵa attanaıyq./Ún taspadan mýzyka oınalady. Avtobýstan túskende aldarynan jylaǵan bala shyǵady/
Tárbıeshi: - Balaqaı sen kimsiń, saǵan ne boldy?
Baýyrjan:- Men jol belgisimin, meni jáne meniń dostarymdy mystan kempir sıqyrlap tastady. Myna jumbaqty sheshkende ǵana meniń sıqyrym ketedi./Qolyndaǵy qaǵazdy usynady/.
Tárbıeshi:- İlýli turǵan ne belgi?
Mashınaǵa «toqta» degen belgi berdi.
Jol ústinde aq - qaramen syzylǵan jolaqtar.
Jaıaýlarǵa «ótińder» dep belgi berdi.
Balalar: Jaıaýlar ótkesi.
Tárbıeshi: Balaqaı qalǵan dostaryńa baraıyq, olarǵa kómekteseıik!
Úıdiń ishinen bir - birlep balalar shyǵady.
Nurbol
Bir ǵajaby bul jerde
Bir nárseni el kútedi
Otyrady bireýi
Tik turady bireýi
Neǵylǵan jer bul ózi
Aıtyńdar kim biledi?
Balalar:- Aıaldama