InfoHub Logo

Bilim salasy: Áleýmettik orta
Taqyryby: «Jolda júrý erejesin saqtaımyz!» (sújettik - róldik oıyn)
Maqsaty:1. Balalardy jolda júrý erejesimen tanystyrý.
2. Jol qaýipsizdigin este saqtaýǵa, bilýge jol erejesiniń belgilerimen tanystyrý.
3. Balalardy kóshede durys júrip, jol erejesin saqtaýǵa tárbıeleý.
Kórnekiligi: Baǵdarsham, jol belgileri salynǵan sýretter, jolaq syzyqty jol, býklet.

Uıymdastyrýshy - qozǵaýshy qyzmet:
«Jolda júrý erejesin saqtaımyz!» atty tárbıe saǵatyn bastaǵaly otyrmyz.
Jol zańy durys júrip, abaı bolýdy talap etedi. Jol tártibin buzba, ol qater týdyrady. Joldyń qalypty qozǵalysy kóbinese balalardyń jol boıynda qalaı bolsa solaı júrip bara jatqan kólikke jabysatyny, qaltarystan jolǵa shyǵyp ketý saldarynan buzylady. Jol tártibin buzǵandyqtan keıbireýler kóliktiń dóńgelegine ilinip qaza taýyp, keıbireýleri jaraqat alady. Al keıbireýleri ómirlik múgedek bolyp qalady. Sondyqtan árbir bala « Jolda júrý erejesi» taqyrybyndaǵy sabaqty muqıat tyńdap, ár uıymdastyrylǵan is áreketinen qorytyndy jasap otyrýǵa mindetti. Úlgili, tártipti bala kóshede, jolda júrý erejesin, zańyn buzbaıdy.
Uıymdastyrýshy - izdenýshilik qyzmet:
Jumbaqtardy sheshý:
Jumbaqtar

1. Ala taıaq ustaǵan,
Jol tártibin nusqaǵan. (Polısıa qyzmetkeri)

2. Kóshe boılap aıańdaıdy,
Adam tasyp, aıalaıdy. (Avtobýs)

3. Kóliktiń qanshasyn ústinen ótkizgen,
İrgeden bastalyp, alysqa jetkizgen. (Jol)
4. Joq ózinde bas ta, aýyz da, qulaq ta,
Baqyraıǵan úsh kozi bar biraq ta. (Baǵdarsham)
5. Arqanym bar tym uzyn,
Ala - almaısyń bir úzim.
Tabyńdarshy, balalar,
Bul jumbaqtyń sheshýin. (Jol)
6. Ózi sóıleı bilmeıdi,
Biraq «Toqta, júr!» deıdi. (Baǵdarsham)

Tárbıeshi: Baǵdarsham ómirimizdi jazymnan saqtandyratyn kómekshimiz. Onyń syryn bilip alý barshamyzǵa kerek.
- Bizdiń qalamyzda, sol sıaqty bizdiń elimizdiń qala, aýyldaryna bárine ortaq kóshe qatynas erejesi engizilgen. Bul erejeni oqýshylar da, úlkender de, ıaǵnı barlyq júrgizýshiler, kólik júrgizetin júrgizýshiler de buljytpaı oryndaýy kerek.
- Balalar, sender kóshede júrý erejesin bilesiń der me eken, kóreıik. Mynadaı suraqtarǵa jaýap berińdershi.
- Jıek jol degen ne? (Adamdar jaıaý júretin kóshe jıegindegi tar jol)
- Jaıaý adamǵa qaı jermen júrýge bolmaıdy? (Kólik júretin kósheniń ortasymen júrýge ruqsat etilmeıdi).

(Taqtada)
Qyzyl – toqta!
Sary - saqtan!
Jasyl - jol ashyq!
1 -: Qyzyl kózin ashqanda,
Synyq súıem baspa alǵa!
2 -: sary kózin ashqanda,
Qarap qalma aspanǵa!
3 -: Jasyl kózin ashqanda,
Óte bergin, jasqanba!
(Balalar baǵdarsham sıgnaldaryn qoldaryna ustap, kezegi kelgende kórsetip turady).

Óleń shýmaqtary:
Kóshede biz saq bolaıyq,
Qaımyqpasyn ata - ana.
Jolda sen bol laıyq,
Jas ulan degen atqa

Ońtústik Qazaqstan oblysy, Shymkent qalasy,
№13 "Ertóstik" bóbekjaı - balabaqshasy tárbıeshisi
Valıeva Bıbigúl Dúısenbekqyzy

Tolyq nusqasyn júkteý