InfoHub Logo

Júktiliktiń úırenshikti úzilisi uryqtanǵan kúnnen bastap 37 aptaǵa deıingi aralyqta júktiliktiń ózdiginen úzilýi. Eger áıelde kem degende eki júktilik ózdiginen túsik tastaýmen aıaqtalsa, bul júktiliktiń úırenshikti úzilisi dep atalady.

16 aptaǵa deıingi túsik — erte merzimdegi ózindik túsik; 22 aptaǵa deıingi túsik — kesh merzimdegi ózindik túsik.

Sebepteri

Áleýmettik faktorlar:

1. Jaǵymsyz ádetter;

2. Jaǵymsyz óndiristik jaǵdaılar;

3. Otbasyndaǵy jaısyzdyqtar;

4. Aýyr dene eńbegi;

5. Stress.

Medısınalyń faktorlar:

1. Ata-anasynyn karıotıpteriniń genetıkalyq patologıasy;

2. Endokrındik buzylystar;

3. Jatyrdyń damý aýytqýlary (jatyrdyń gıpoplazıasy nemese ınfantılızm);

4. Infeksıalyq aýrýlar (ishki jynys aǵzalarynyń qabyný aýrýlary);

5. Buryn jasalǵan jasandy túsikter;

6. Gıpovıtamınozdar;

7. Jaraqattar.

Belgileri

İshtiń tómengi jaǵynda aýrý sezimi, keıde jatyrdyń ózdiginen jıyrylýy. Qynaptyq tekserýde servıkaldy kanalǵa 1-2 saýsaq erkin ótedi. Júktiliktiń erte mezgilde úırenshikti úzilýi (10-12 apta) kóbine endokrındik jetkiliksizdikten bolady. Aldymen qaǵanaq sýynyń bólinýi
jáne uryktyń aýyrsynýsyz týylýy.

Aldyn-alý sharalary

Ár jaǵdaıda júktilik aldynda anamnez, fýnksıonaldyq dıagnostıka, júıke júıesiniń jaǵdaıy, ishki aǵzalar men endokrındik júıe muqıat tekseriledi. Birinshi túsikten keıin tez arada naýqasty áıelder keńesine arnaıy tirkeýge alyp, tekserip, patogenetıkalyk emdeý júrgizý kerek.

Emi

Túsikten keıingi alǵashqy 2-3 kúni ishtiń tómengi bóligine sýyq qoıý, servıkaldy kanaldyń antıbıotıkterge sezimtaldyǵyn anyqtaǵan soń penısıllındi 200000 ÁB bulshyq etke kúnine 4 ret,streptomısın 500000 ÁB kúnine 2 ret nemese sýlfanılamıdti zattardy (streptosıd, sýlfolımızın) 0,5-1 gr kúnine 3 ret taǵaıyndaıdy. 5-6 aıǵa deıin kontraseptıvti zattar qoldaný kerek. 2-3 aıdan soń jalpy demeýshi em jáne jalpy ýlbtrakúlgin sáýlelendirý 1-2 ret júrgiziledi.

Áıel emdik dene shynyqtyrýmen shuǵyldanyp, durys jáne ýaqytyly tamaqtaný kerek. Ózdiginen túsik tastaıtyn rejımi qajet. Jumys ýaqytyn jáne demalysty durys uıymdastyryp, keshendi gormondyq em júrgizý shart.

R. A. Qadyrova

---