InfoHub Logo

«Juldyzdar sherýi» senarıi
Qatysýshylar: Juldyznamashy apaı, Jetiqaraqshy, Súmbile, Qus joly, Tarazy, Temirqazyq, Úrker, Sholpan juldyzdary. Juldyzdar bastaryna Varonka qalpaq, ústerine ıyǵyna jamylǵan arnaıy kıimderimen, Qoldaryna qaǵazdan jasalynǵan dúrbilerimen shyǵady.
-/Mýzyka fonymen izine juldyzdaryn ertken juldyznamashy apaı shyǵady./
1 - apaı: Mynaý adamzatqa jaryq jylýyn shashyp jarqyraǵan kún kúlip, altyn aıy almasqan aspan áleminde, qanshama juldyzdar bar. Osynaý ǵaryshtyń qoınaýyndaǵy san myńdaǵan syıqyrly juldyzdardyń sulýlyǵyna qarap kóz toımastaı tańdanamyz. Biz - ustazdar, árbir balany osyndaı jaryq juldyzǵa teńesek, onda olardyń báriniń janynyń tereńine úńilip, qupıalaryn ashyp, jarqyraýyna sebepshi bolýymyz qajet. Al meniń izime ergen kishkentaı juldyzdarym sizderge búgingi saltanattyń sulýlyǵyn ashyp, onyń maǵynasymen mánin boljaýǵa kómektesedi... Solaı ǵoı, meniń jomart júrekti juldyzshylarym..
Juldyzdar: Árıne.. solaı. Siz surańyz. Biz jaýap beremiz.
Apaı: Jeti qaraqshy. Sen juldyzdardyń ishindegi bizge eń tanysy, jaqynysyń ǵoı. Bizdiń eleimizdege bolashaq bilimniń joly qalaı bolar eken?
Jetiqaraqshy: \Dúrbisimen aspandy sholyp, qarap\ Dana halyq «bilimsiz kúniń joq» degen. Bilimniń joly qaı kezde de qus jolyndaı jaryq bolar. Bolashaqta Elimizdiń bilim salasynda kóptegen oń ózgerister bolyp, onyń sapasy men dárejesi álemdegi eń ozyq úlgige aınalady eken.. Ia.. solaı.
Apaı: Al endi Súmbile. Sen aıta qoıshy? Erteńgi Ulttyq biryńǵaı testileýde bizdiń úkilep qarap otyrǵan «Altyn belgige» úmitkerlerimizdiń armany aqıqatqa aınalama?
Súmbile: Ia.. Olardyń juldyzdary joǵary da, jaınap tur. Synaqtan súrinbeı ótip, mekteptiń mereıin tasytyp, ózderiniń shynaıy bilimderiniń shyńyna shyǵady eken. Ras... Meniń juldyzdarym jalǵan aıtpaıdy.
Apaı: Meniń tympıǵan Tarazym. Ózińniń taǵylymdy tarazyńa tartyp kórshi. Jalpy bizdiń túlekterdiń synaqtaǵy deńgeıleri qalaı bolady?
Tarazy:/Juldyzǵa dúrbisimen qarap alyp/ Bıylǵy túlekterdiń bári de joǵarǵy, ózderi maqsat etken baldaryn jınap, bári de armandaǵan mamandyq ıeleri atanady eken. Elimizdiń kórkeıýine úles qosar eldiń bir - bir azamattary atanaryna kúmánim joq.. Juldyzdar solaı deıdi..
Apaı: Aıtqanyń kelsin Tarazy. Endigi kezekti Temirqazyqqa bereıik. Bizdiń mektebimizdiń aldaǵy ýaqyttaǵy bilim men tárbıe salasynda qandaı jaqsy jańalyqtar bolady, bilesiń be?
Temirqazyq: Qazir, baıqap kóreıik./Aspan álemin bir sholyp alyp/ Bizdiń mektebimiz bolashaqta, tipti jaqynda bilim salasynda tamasha jetistikterge jetip, ustazdardyń mereıi joǵarydan kórinedi eken. Kóptegen «Altyn belgi» ıegerleri daıyndalyp, aldaǵy jyldary mektebimiz «Gımnazıa» dárejesine alady.. Bul juldyzdaı jaryq, aıdaı anyq, ustazym!

Apaı: Rahmet, temirqazyǵym! Al endi ǵarysh kóktegi «Úrkerim» Sen aıta qoıshy, bizdiń búgingi aýylymyzdyń jaǵdaıy men keleshegin aıta alasyń ba?
Úrker:\Aspandy sholyp alady/ Ia.. bizdiń aýylymyz búgin kórkeıýdiń jańa jolyna túsipti. Túrli elge qyzmet jasaıtyn nysandar salynyp jatyr eken.. Imanymyzdyń aınasy jańa Meshit boı kóteredi.. jalpy aýyl halqynyń turmys - tirshiligi budan ári jaqsara túsedi eken.. Jańa jumys oryndary ashylady.. Ónerimizben mádenıetimiz ilgeri órleıdi...
Apaı: Endigi kezek meniń tań aldynda erekshe jarqyraıtyn jaryǵym «Sholpan» juldyzǵa keldi. Sholpanym! Sen bizdiń Qazaqstannyń bolashaǵyn boljap bershi..?
Sholpan:\Dúrbimen aspan álemin sholyp shyǵady\ Búgingi bizdiń Qazaqstanymyz - álemdegi eń berekeli birligi jarasqan, yntymaǵy yrysqa aınalǵan, baılyǵynyń bazarly baqytyn kórip otyrǵan, jeri qutty, qýaty myqty el eken! Elimniń bolashaǵy jarqyn. Osyndaı yntymaq pen birliktiń, eseli eńbektiń arqasynda álemdegi eń ozyq, bilimi men mádenıeti damyǵan elderdiń qatarynan oıyp oryn alyp, elbasymyz aıtqan «Máńgilik elge» aınalamyz.. Mine... solaı.
Apaı: Keremet! Rahmet senderge meniń kishkentaı juldyzshylarym. Sender barlyq merekege jınalǵan eldiń kóńilderin kóterip tastadyńdar. Búkil adamzatqa ortaq aspan áleminiń árin keltirip, máńgilik jarqyrap tura berińder....
/Mýzyka fony beriledi. Osydan soń bári qol ustasyp hormen óleń aıtady./
Hor: Ǵarysh kóktiń sulýlyq, ár qabaty
Aq peıilden qalqysyn.. án qanaty
Túlekterge sát sapar biz tileımiz
Qutty bolsyn «Qońyraý» saltanaty
Darysyn bilimniń qut, ýyz nári
Shákirtter, eń daryndy ul - qyz, bári
Mektebimniń mereıi tası bersin
Jarqyrasyn ár balanyń juldyzdary.

/ Osydan soń aspanǵa juldyz - sharlar ushyrylýy kerek. Al kishkentaı juldyzshylar mýzyka fonymen joǵary kóterilip, júrgizýshilerdi alyp túsedi. Jalpy juldyzdardy paıdalaný kerek. barlyq túlekter oryndaryna jaıǵasyp bolǵansha juldyzdar ketpeıdi./