Juma kúni bul úıde ne sen turasyń, ne men turamyn
Qoja jer ortasynan asqan jasta báıbishesimen birge jatpaı, bólek jatýdy shyǵarypty. Muny báıbishesiniń jaqtyrmaı júrgenin qabaǵynan baıqaǵan Qoja bir kúni:
— Renjime, qatyn, juma kúni birge jatatyn bolaıyq. Biraq men juma kúnin umyta beremin, — deıdi.
Qoja sózin báıbishesi quptap:
— Keregede ilýli turǵan sáldeńdi juma kúni men júktiń ústine qoıaıyn, kún juma ekenin sodan bilersiń, — deıdi.
Báıbishe sáldeni júktiń ústine qoıýdy jıiletip jiberse kerek. Sony sezgen Qoja bir kúni júktiń ústinde turǵan sáldesine qarap:
— Juma kúni bul úıde ne sen turasyń, ne men turamyn. Sen júkten túskenshe, men esegimniń qasyna baryp jata turam, — dep úıden shyǵyp ketipti.
-
Qojanasyr bı bolyp turǵan kezinde de kedeılikten qutyla almapty. Basqany bylaı qoıǵanda, úıinde shaı ishetin shynysy da joq eken. Bireý bir shyny tartý etip, Qojamen dos bolady.
