Júregim meniń - janartaý,
Jalyn bop shyǵar ot-demim.
Kelem dep qamsyz, samarqaý,
Órtenip, qalqam, ketpegin.
Jolama maǵan jýyqtap,
Mańymnan, qalqam, júr aýlaq.
Ótirik qana sýyp qap,
Alystan seni tur arbap.
Momaqan bolyp jatqanda,
Oılama ony sóndi dep.
Kómeıden jalyn atqanda,
Kónbeıdi mynaý ór júrek.
Atqylap jalyn turǵanda,
Qudaıyńa da kónbeıdi.
Aıaǵyn attap bul mańda,
Sondyqtan eshkim kelmeıdi.
Júregim meniń - janartaý,
Janbaǵan shaqta kel, meıli!
Janartaý qazir samarqaý,
Samarqaý, biraq sónbeıdi...

---