InfoHub Logo

Jýrnalıs Gúlbaný Ábenova áleýmettik jelidegi jazbasynda kásipker Tursyn Alagózov pen prodúser Baıan Maqsatqyzyna qatysty pikir bildirdi. Ol qazirgi naryqtaǵy keıbir úrdisterdi synǵa alyp, óndirýshilerdiń ózderi tutynbaıtyn ónimder arqyly da qomaqty tabys taýyp otyrǵanyn aıtty.

Bul týraly Infohub.kz aqparat agenttigi habarlaıdy.

«Adam ózi qoldanbaıtyn taýardan da mıllıon, tipti mıllıard tabady. Óz ónimin ózi tutynbaýy da múmkin», - dedi jýrnalıs.

Sonymen qatar Gúlbaný Ábenova “Sesna” ónimderine qatysty oıyn aıtyp, qaptamada kórsetilgen salmaq pen naqty ónim mólsheri sáıkes kelmeıtinin alǵa tartty. Onyń pikirinshe, mundaı jaǵdaı tutynýshylar senimine keri áser etedi.

«Etke arnalǵan qamyrdy kópten beri “Sesnadan” alamyz. Buryn da aıtqanmyn: qaptamadaǵy salmaqtan az bolyp shyǵady. Bul – adaldyqqa jatpaıdy», – dedi ol.

Jýrnalıs sondaı-aq keıbir kompanıalardyń jarnamalyq aksıalaryn da synǵa aldy. Onyń aıtýynsha, páter nemese qymbat syılyqtar taratý arqyly jasalatyn PR qoǵamda árdaıym durys qabyldanbaıdy.

«Pıar úshin páter taratyp jatyr. Biraq ázirge ol úılerge eshkim kirgen joq, adamdar tek sertıfıkat ustap otyr. Sonyń ornyna qyzmetkerlerge laıyqty jalaqy tóleýge bolmas pa edi?» – dep jazdy Ábenova.