InfoHub Logo

Jýrnalıs Janar Baısemiz óziniń sheteldik azamatqa turmysqa shyqqany týraly aıtyp, kópshiliktiń pikirine jaýap berdi. Ol kórermender arasynda taraǵan «sizdi sheteldik azamatqa qımaıdy» degen pikirge qatysty oıyn bildirdi.

Bul týraly Infohub.kz aqparat agenttigi habarlaıdy.

«Qyzǵaný degen dúnıeni túsinbeımin. Kórermen mahabbatyn qabyldaımyn. Bastapqyda «sizdi qımaımyz» degen sózder jıi aıtyldy. Bálkim, men sol kezde adamdy ultqa bólmeıtin deńgeıde boldym. Qazir ultshyl emespin dep aıta almaımyn, biraq adamdy ultqa bólmeımin. Men ádeıilep sheteldik azamatqa turmysqa shyǵaıyn degen jospar qurǵan joqpyn. Bul meniń tańdaýym. Áıtpese men de qazaq jigitine turmysqa shyqqym keldi», — dedi jýrnalıs.

Ata-ananyń qoldaýy

Janar Baısemiz ata-anasynyń bul sheshimin qalaı qabyldaǵanyn da aıtyp berdi. Onyń aıtýynsha, ata-anasynan eshqandaı qarsylyq bolmaǵan. Anasy alǵashynda túsinbeı qalǵanymen, ákesi birden batasyn bergen.

«Men úıdiń tuńǵyshymyn, 38-ge keldim, óz ómirimniń qojasymyn. Ata-anam «qarsymyz» dep aıtqan joq, men ne istesem de qoldaıdy. Eshqandaı shekteý bolǵan joq», — dep tolyqtyrdy ol.

Kezdesýdiń qıyndyqtary

Jýrnalıs joldasynyń anasy Ýkraınada turatynyn jáne soǵysqa baılanysty áli kúnge deıin kezdesýdiń bolmaǵanyn aıtty. Olar Ýkraınaǵa baryp qaıtqanymen, joldasynyń anasyn Qazaqstanǵa shaqyrý múmkin bolmaǵan.