InfoHub Logo

Júzden júırik....

Maqsaty: Oqýshylardy kópshilik aldynda erkin sóıleýge, óz bilimin kórsetýge, shyǵarmashylyqpen jumys isteýge úıretý.
3 - 4 synyp oqýshylary 4 - topqa bólip ótkiziledi.
1 - top «Alǵyrlar», 2 - top «Tapqyrlar», 3 - top «Ǵalymdar», 4 - top «Oıshyldar» dep atalady.

Saıys tómendegishe bólimnen turady:
I bólim. Topty tanystyrý
II bólim. Mánerlep oqý (Top basshysy)
III bólim. Sózjumbaq sheshý
IV bólim. Sýretke qarap maqal - mátel qurastyrý
V bólim. Alma jeý
VI bólim. Shardy jaryp jáne suraqty oqyp, jaýap berý.

I. Asyl - tastan, óner - jastan,
Shyǵady dep daryndy.
Halyq aıtsa, halyq sózi,
Árqashanda nanymdy.
Sol ónerdiń jolyn qýǵan,
Bizdiń synyp atynan,
Qabyldańyz shyn júrekten,
Sálem Sizge jalyndy!
Saıystyń sharty boıynsha, alǵashqy kezeń tanystyrý.
(Ár top óz toptaryn atyna saı tanystyryp ótedi )

II. Ana tili - asyl úni babamnyń,
Qýatymsyń aq sútindeı anamnyń.
Sábı shaqtan besigimde jyr tyńdap,
Týǵan tildi jattap ósken balańmyn.
Top basshylary ózderiniń súıikti aqyndarynyń óleńderin mánerlep oqyp, saıysady.

III. Sóz kezegin «Sózjumbaqqa» berelik.
Aramyzda tapqysh jastar kóp eken,
Solardyń endi jaýaptaryn kórelik.
Toptar ózderine berilgen sózjumbaqty óz ýaqyty ishinde sheship saıysqa túsedi. (3 - 4 mınýt beriledi)
1. Kúzde ne jaýady?
2... jigit el úshin týady, el úshin týady.
3. Qyz esimi?
4. Qalanyń aty?
5. Barlyǵynan da qymbat?
6. Ánshiniń aty?
7. Ýaqyt ólsheýshi qural?
8. Sýsynnyń aty?
9. Bir órkeshti janýar?
IV. Syrlary kóp bilimniń,
Sheshilmegen áli de.
Tereńdigi bilimniń,
Kerek eken bári ne - dep, saıysker toptardy sýretke qarap, kez kelgen taqyrypqa maqal – mátel qurastyrý arqyly tapqyrlyq tanytýǵa shaqyramyz.

V. Alma jeý saıysy (Almany taýsyp birinshi bolǵan bala ǵana jeńiske jetedi )
VI. Báıgege túsip jaryspaı,
Júıriktiń baǵy jana ma?
Bilimmen óner jaryspaı,
Tárbıe - tálim tabar mán.
Bul báıge oıdyń báıgesi,
Kim júırik oıǵa, sol alda.
Shardy jaryp suraqqa jaýap berý kerek. Suraqqa birinshi jaýap bergen top jeńiske jetedi.
Qortyndy