InfoHub Logo

Kamchatkada bir táýlikte 146 jer asty dúmpýinen keıin bes birdeı janartaý belsendiligi artty

30 shildede Kamchatka túbeginde bolǵan joıqyn jer silkinisinen keıin óńirdegi janartaýlyq belsendilik kúrt kúsheıdi. Ǵalymdardyń málimetinshe, bir táýliktiń ishinde magnıtýdasy 3,2-den 6,2-ge deıingi 146 aftershok tirkelgen. Olardyń 20-dan astamy halyq tyǵyz ornalasqan eldi mekenderde 2–5 bal aralyǵynda sezilgen.

Osy dúmpýden keıin Klúchevskoı, Shıvelých, Karymskıı, Bezymánnyı jáne Kambalnyı janartaýlarynyń belsendiligi artqany baıqaldy. Eń qatty ózgeris Klúchevskoı men Shıvelých janartaýlarynda tirkelgen. Mamandar lava aǵyny men kúkirt gazy bólinýi kóbeıgenin aıtady.

Kamchatka – Eýrazıa materıgindegi eń seısmoaktıvti ári janartaýlary jıi atqylaıtyn óńir. Qazir óńirde týrısik qaýipsizdik sharalary kúsheıtilip, halyqqa qaýipsiz araqashyqtyqty saqtaý jóninde eskertý jasalýda.

Janartaýlardyń odan ári belsendiligi men aftershoktardyń jıiligi geofızıkter baqylaýynda.