InfoHub Logo

Ánshi Kámshat Joldybaevanyń sońǵy kezderi sahnadan kórinbeı ketkeni kópshiliktiń nazaryn aýdardy. Jaqynda ǵana ana atanǵan óner ıesi bul jaǵdaıdyń sebebin ózi túsindirip berdi. Ol qazirgi ýaqytta otbasyna kóbirek kóńil bólip, psıhologıa salasyna qyzyǵýshylyq tanytyp júrgenin jasyrmady.

Bul týraly Infohub.kz aqparat agenttigi habarlaıdy.

Otbasy – basty nazarda

Kámshat Joldybaeva óziniń ana bolýyna baılanysty týyndaǵan keıbir túsinispeýshilikterge núkte qoıdy. Ol «kári qyz bala tapsa, qoıarǵa jer tappaıdy» degen sózdiń ózine qatysty ekenin aıtyp, kópshiliktiń oılaǵanyndaı, kúıeýiniń tyıymyna baılanysty emes ekenin jetkizdi. Ánshiniń aıtýynsha, kelin bolyp túskennen keıin ol psıhologıany zertteı bastaǵan.

«Men qazir bireýdiń áıelimin, anasymyn, kelinimin», - dep otbasylyq rólderin atap ótti ánshi.

Jelidegi pikirler

Ánshiniń sońǵy kezdegi syrt kelbeti men oılary jeli qoldanýshylarynyń qyzý talqysyna tústi. Kópshiligi onyń burynǵydan áldeqaıda ádemi bolyp ketkenin, ajarlanǵanyn atap ótti. Alaıda, keıbir pikirlerde onyń sóıleý máneri men sózdik qorynyń azdyǵy synǵa alyndy.

«Sóıleýdi umytyp qalypty», «Til baılyǵy azdaý eken», «Tanymaı qaldym, burynǵydan sulý bolyp ketipsiń», «Kámshat qyzymyz turmysqa shyǵyp, ana bolǵaly ádemi bolyp, ajarlanyp ketipti», «Qatty ózgerip ketipti» degen sıaqty pikirler jelide kóptep jazyldy.